PSJ va «Manchester Yunayted» «Barselona» himoyachisi Erik Garsiyaga qiziqish bildirmoqda

«Barselona» himoyachisi Erik Garsiya Yevropaning bir qator yetakchi klublari e’tiboriga tushgan. Bu haqda jurnalist Ekrem Konur xabar bermoqda.

Manbaga ko‘ra, 25 yoshli ispaniyalik futbolchini o‘z safiga qo‘shib olishga Fransiyaning PSJ hamda Angliyaning «Manchester Yunayted» klublari qiziqish bildirmoqda. Shuningdek, «Nyukasl» va «Aston Villa» ham himoyachining xizmatlaridan foydalanish istagida.

Xabarlarga ko‘ra, mazkur klublar Garsiya transferi uchun 70 million yevrodan ortiq mablag‘ sarflashga tayyor. Futbolchiga bo‘lgan yuqori talab uning Kataloniya klubidagi kelajagini savol ostida qoldirishi mumkin.

Joriy mavsumda Erik Garsiya barcha musobaqalarda 8 ta uchrashuvda maydonga tushib, gol yoki golli uzatma qayd etmadi.

Ma’lumot uchun, ispaniyalik himoyachining «Barselona» bilan amaldagi shartnomasi 2031-yilning iyun oyiga qadar mo‘ljallangan.

🏦O‘zbek va jahon sportiga oid eng so‘nggi yangiliklar: @Uzasport