Postekoglu: "Bunday vaziyatda futbolchilarim o‘zini professional tutdi"

"An-Nasr" bosh murabbiyi Ange Postekoglu "Neftchi"ga qarshi 3:1 hisobidagi g‘alabadan so‘ng shogirdlarining uchrashuvga munosabatini alohida e’tirof etdi.

Ar-Riyoddagi bahs xavfsizlik bilan bog‘liq ogohlantirish sabab belgilangan vaqtdan kech boshlandi. Avstraliyalik mutaxassis bu holat jamoaga ruhiy jihatdan ta’sir qilishi mumkinligini tan oldi.

"Futbolchilarimning holati meni xavotirga soldi. Ammo ular vaziyatga juda professional yondashdi. Bundan mamnunman", — dedi Postekoglu.

Murabbiy uchrashuv paytida jarohat olgan Kingsli Koman va Muhammad Simakan tibbiy ko‘rikdan o‘tishini ham ma’lum qildi.

"Neftchi"ga qarshi natija "An-Nasr"ning Elit OCHL joriy mavsumidagi ilk g‘alabasi bo‘ldi. Saudiya klubi avvalgi turda "Al-Ayn"ga 0:4 hisobida imkoniyatni boy bergan edi.

🏦O‘zbek va jahon sportiga oid eng so‘nggi yangiliklar: @Uzasport