⭐️ Legionerlarimiz: Husanov Chempionlar ligasida, Mahamadjonov Rossiya kubogida, Sergeyev va O‘runov esa Eron Pro-ligasida navbatdagi o‘yinlarini o‘tkazadi

Bugun, 14-oktabr kuni xorijiy klublarda faoliyat olib borayotgan to‘rt nafar o‘zbekistonlik futbolchining jamoalari xalqaro va milliy musobaqalar doirasida navbatdagi uchrashuvlarini o‘tkazadi.

Abduqodir Husanov — UEFA Chempionlar ligasi

Angliyaning «Manchester Siti» klubi UEFA Chempionlar ligasi umumiy bosqichining 2-turida Fransiyaning «Pari Sen-Jermen» jamoasini qabul qiladi. Uchrashuv Manchester shahridagi «Etihad» stadionida Toshkent vaqti bilan 15-oktabrga o‘tar kechasi soat 00:00 da boshlanadi.

«Manchester Siti» Angliya Premyer-ligasidagi so‘nggi uchrashuvini 11-oktabr kuni «Liverpul»ga qarshi o‘tkazib, 3:0 hisobida g‘alaba qozondi. Mazkur bahsda Abduqodir Husanov zaxira o‘rindig‘ida qoldi va maydonga tushmadi.

Mahmudjon Mahamadjonov — Rossiya kubogi

Rossiyaning «Dinamo Mahachqala» klubi mamlakat kubogining navbatdagi turida Sankt-Peterburgning «Zenit» jamoasini qabul qiladi. Bellashuv Toshkent vaqti bilan soat 20:30 da boshlanadi.

Mahmudjon Mahamadjonov «Dinamo»ning 10-oktabr kuni «Orenburg»ga qarshi o‘tkazgan uchrashuvida asosiy tarkibda maydonga tushib, 90 daqiqa harakat qildi. O‘sha bahs «Orenburg»ning 4:0 hisobidagi g‘alabasi bilan yakunlangan.

Igor Sergeyev va Oston O‘runov — Eron Pro-ligasi

Eron chempionatining navbatdagi turida Tehronning «Persepolis» klubi safarda «Xeybar» jamoasiga qarshi bahs olib boradi. Uchrashuv Toshkent vaqti bilan soat 18:30 da boshlanishi ko‘rsatilgan.

«Persepolis» 9-oktabr kuni Eron Pro-ligasi doirasida «Sanat Naft» jamoasini 3:1 hisobida mag‘lub etdi.

Mazkur uchrashuvda o‘zbekistonlik futbolchilar samarali harakatlari bilan ajralib turishdi. Oston O‘runov raqib darvozasini ishg‘ol qilgan bo‘lsa, Igor Sergeyev jamoasining dastlabki goliga assist qayd etdi.

Legionerlarimizning bugungi o‘yinlari:

🇮🇷 Eron Pro-ligasi
18:30 | Xeybar – Persepolis
👤 Igor Sergeyev, Oston O‘runov

🇷🇺 Rossiya kubogi
20:30 | Dinamo Mahachqala – Zenit
👤 Mahmudjon Mahamadjonov

🔵 UEFA Chempionlar ligasi
00:00 | Manchester Siti – PSJ
👤 Abduqodir Husanov

🏦O‘zbek va jahon sportiga oid eng so‘nggi yangiliklar: @Uzasport