Product roliga yangi xodim oldik. U oldin logistika sohasida ishlagan.

Bugun u o’z kuzatuvi bilan bo’lishdi:

“Men Otabek aka bilan ishlaganimda, ayrim savollarimga ‘bilmayman’ deb javob berdilar. Samira bilan gaplashganimda ham ba’zi savollarga ‘bilmayman, eksperiment qilib ko‘rish kerak’ dedi. Rostini aytsam, bunga hayron qoldim. Men ishlagan joylarda rahbarlar deyarli hamma narsani bilardi. ‘Bilmayman’ deb javob berishmasdi.”

Men unga aytdim:

“Aslida bizni boshqa narsa ko‘proq qo‘rqitadi, sizning kelishingiz bilan ‘men bilaman, buni mana bunday qilish kerak’ deyishingiz”

Hali mijozlar bilan yetarlicha gaplashmagan, productdagi barcha holatlarni ko‘rmagan, lekin ayrim masalalarda juda qat’iy javob berishga harakat qilardi.

Product ishida “bilmayman” — zaiflik emas.

Aksincha, ba’zan eng professional javob:
“Bilmayman. Gipoteza bor. Mijoz bilan gaplashamiz, eksperiment qilamiz va natijaga qarab qaror qilamiz.”

Klassik loyiha boshqaruvida ko‘pincha oldindan nima qilish kerakligi ma’lum bo‘ladi.

Productda esa ko‘p narsani oldindan bilmaysiz.

Menimcha, product manager uchun eng xavfli narsa - bilmasligini bilmasdan, “bilaman” deb yurish.

@paiziev24