Түркістан облысында қараусыз жүрген жылқылар гүлзарларды таптап, иесі жауапқа тартылды

Ордабасы ауданында Темірлан ауылының Қажымұқан көшесінде қараусыз жүрген 20-дан астам жылқы көше бойындағы абаттандырылған гүлдер мен көгалдарды таптағаны анықталды. Бейнебақылау камералары арқылы жедел әрекет еткен полицейлер төрт түлікті арнайы қамау орнына жеткізіп, 32 жастағы мал иесін жауапкершілікке тартты. Полиция қадағалаусыз жүрген малдың абаттандыруға зиян келтіріп қана қоймай, жол қозғалысына да қауіп төндіретінін ескертеді.