Жолда қауіп төндірген кортеждің тағы бір қатысушысы Шымкентте ұсталды

Алматы облысында полиция қызметкерлері жол ережесін өрескел бұзып, басқа жүргізушілерге қауіп төндірген кортеждің тағы бір қатысушысын анықтады. Алматы қаласының 22 жастағы тұрғыны Диас Әділбеков Шымкент қаласында жүрген жерінен ұсталып, сот шешімімен 10 тәулікке әкімшілік қамауға алынды. Белгілі болғандай, ол негізгі көліктің артынан бірінші болып жету үшін басқа жүргізушіге 600 АҚШ доллары көлемінде сыйақы ұсынған.