Ақтөбеліктер "Қауіпсіз үй" акциясы аясында QR-код арқылы шағымдар жолдауда

Ақтөбе облысында өткізіліп жатқан "Қауіпсіз үй" республикалық акциясы аясында кіреберістер мен аулаларға арнайы QR-кодтар орналастырылды. Шараның алғашқы күнінде-ақ тұрғындардан 20-ға жуық өтініш түскен. Азаматтар негізінен аулаларды жарықтандыру, бейнекамералар мен жол белгілерін орнату, сондай-ақ заңсыз қоқыс пен жатақханалардағы тәртіпсіздіктерге қатысты мәселелерді көтерді.