Bugun, 24-sentyabr kuni Toshkent shahar Favqulodda vaziyatlar bosh boshqarmasi hududiy boshqarma, bo‘lim va tarkibiy tuzilmalarida xizmat qilayotgan harbiy xizmatchilar ishtirokida madaniy-ma’rifiy tadbir tashkil etildi.
Tadbir doirasida harbiy xizmatchilar Toshkent shahrida joylashgan “Qatag‘on qurbonlari xotirasi davlat muzeyi”ga tashrif buyurdilar.
Tashrif davomida ishtirokchilar xalqimiz tarixida kechgan murakkab va sinovli davrlar, qatag‘on qurbonlarining hayoti va faoliyati, shuningdek, milliy tariximiz va tarixiy xotiramiz bilan bog‘liq qimmatli ma’lumotlarga ega bo‘ldilar.
Bunday madaniy-ma’rifiy tadbirlar harbiy xizmatchilarning tarixiy xotirasini mustahkamlash, ma’naviy dunyoqarashini yuksaltirish hamda ajdodlarimiz xotirasiga hurmat tuyg‘ularini yanada kuchaytirishga xizmat qiladi.