Toshkent shahar Favqulodda vaziyatlar bosh boshqarmasida harbiy xizmatchilar o‘rtasida kitobxonlik madaniyatini oshirishga qaratilgan tadbirlar davom etmoqda.
Toshkent shahar “Bilim” axborot-kutubxona markazi mutaxassisi Ermetova Dilorom G‘anibayevna bosh boshqarmada tashkil etilgan kutubxonaga tashrif buyurib, uning faoliyati bilan yaqindan tanishdi.
Tashrif davomida hamkorlikni yanada rivojlantirish, harbiy xizmatchilarni mutolaaga keng jalb etish yuzasidan fikr almashildi.
Shuningdek, tashrif buyurgan mutaxassis tomonidan kutubxonaga turli janrdagi badiiy va ma’rifiy kitoblar sovg‘a qilindi. Mazkur kitoblar harbiy xizmatchilarning bo‘sh vaqtini mazmunli tashkil etish va kitobxonlikka bo‘lgan qiziqishini oshirishga xizmat qiladi.
Kitob — ma’naviyat manbai, tafakkur va kamolot kaliti!