🎼San’at — talabalik bayramining o‘zgacha tarovati
🔺“Talabalikka bag‘ishlov – 2026” tantanali tadbiri nafaqat ezgu tilaklar, balki jonli musiqa, milliy raqs va betakror san’at namunalari bilan ham yodda qoldi.
🔺Tadbir davomida xonandalar Mustafa, Islom Farmonov, Safira, Islom Axmedov, Davron Axmedov va Tatyana Zaysevaning ijrolari professor-o‘qituvchilar va talaba-yoshlarga ko‘tarinki kayfiyat, estetik zavq va unutilmas taassurotlar ulashdi.
🎤 Tadbirni ikki oliy toifali boshlovchi — Usmanova Anora va Abduvaliyev Sherzod yuqori saviyada olib borib, bayramona muhitning yanada jo‘shqin va mazmunli kechishini ta’minladi.
🎼 O‘zbekiston va Qoraqalpog‘iston xalq artisti Jenisbek Piyazovning ijrosi esa tadbirning eng yorqin badiiy lahzalaridan biri bo‘ldi. Uning betakror ovozi va sahnadagi mahorati mehmonlar hamda talaba-yoshlarga alohida zavq bag‘ishladi.
🔺“Navo Shifo” raqs ansamblining talaba qizlari tomonidan ijro etilgan milliy va zamonaviy raqslar esa sahnaga o‘ziga xos fayz va joziba olib kirdi. Shuningdek, san’atga oshno talaba-yoshlarning kuy-qo‘shiqlari ularning ijodiy salohiyati va iste’dodini namoyon etdi.
✨ San’at — qalbga ma’naviy ozuqa, go‘zallik va ilhom beradi. Tadbir davomida yangragan kuy-qo‘shiqlar va namoyish etilgan raqslar ustoz va talabalarga ana shunday zavq, ko‘tarinki kayfiyat va unutilmas taassurotlar ulashdi.
🔍Ilm va san’at uyg‘unligi — har tomonlama yetuk avlod tarbiyasining muhim omilidir.
✅Rasmiy sahifalarimiz!
Telegram | Facebook | Instagram | YouTube | X | Linkedin