2026 шықәса жәымз рыҩнуҵаҟа 8,5 млн рҟынӡа ауааԥсыра аушьҭырҭа-гәаҭаратә ҭыԥ "Ԥсоу" иахысит, абри атәы иҳәеит Аԥсны АшәМ Аҳәаахьчаратә усбарҭа аиҳабы Рустам Латипов, Бадра Гәынбеи иареи реиԥылараан.

Ари аамҭахҵәаха иалагӡаны аҳәаа иахысит 1,8 млн транспорт. Ҵыԥх абри аамҭа иаҿырԥшны арбагақәа 12% рҟынтәи 5% рҟынӡа илаҟәит.

Латипов арбагақәа рылаҟәра амзызқәа иреиуоуп иҳәеит, атуристтә сезон ашыкьымҭаз иҟалаз аамҭалатәи абылтәы азымхара.

Арбага бзиақәа:

️◾️Аҟәатәи аҳаирбаӷәаза 9 мзы рыҩнуҵҟа 190 нызқьҩык рҟынӡа апассаџьырцәа рымаҵ ауит. 2025 шықәсазы ари арбага иартәеит — 127 нызқьҩык.

️ ◾️Аихамҩатә транспорт 9 мзы рыҩнуҵҟа рхы иадырхәеит 470 нызқьҩык инареиҳаны апассаџьырцәа, ҵыԥхтәи ашықәс зегьы иалагӡаны — 485 нызқьҩык.