Аурыс ҿыханҵа арҿиамҭақәа еидызкыло ацәыргақәҵа "Амшын цәқәырԥаӡом" Аԥсны аартра — жәашықәсыла ҳкультуратә ԥсҭазаараҿы иҟамлацыз хҭысуп ҳәа лыԥхьаӡоит Ацәыргақәҵатә зал хада аиҳабы Ельвира Арсалиаԥҳа

Аекспозициаҿы ицәыргоуп Урыстәыла афедералтә музеиқәа хәбеи арегионалтә музеиқәа хԥеи реизгақәа.

"Иуникалтәу аҟазшьа амоуп — еицырдыруа аурыс ҟазацәа русумҭақәа 35 цәыргоуп. Ари ацәыргақәҵа лымкаала Аԥсны азы иҟаҵоуп, Аҟәа рцәыргақәҵа анхдыркәшалакгьы џьаргьы ицаӡом, дара рмузеиқәа рахь ихынҳәуеит", — лҳәеит Арсалиаԥҳа.

Лара лажәақәа рыла, аиҿкааҩцәа ацәыргақәҵатә ҵакыраҟны — архитектуратә ргылара ҟарҵеит, аҭӡамцқәа рыԥштәы, анавигациа рыԥсахит. Аҭааҩцәа рзгьы иазԥхьагәаҭоуп абжьыгид.

Аԥсны раԥхьаӡакәны ицәыргоуп: Иван Аивазовски иусумҭақәа "Море", "Туманное утро", "Закат на море", "Лунная ночь в Крыму", "Парусная лодка в море".

Иара убасгьы ацәыргақәҵаҿы Валентин Серов, Константин Богаевски, Георги Нисски, Таир Салахов, Наталиа Нестерова, Владимир Дубосарски уҳәа еицырдыруа асахьаҭыхыҩцәа рсахьақәа цәыргоуп.

🖇 Ацәыргақәҵа аартуп ԥхынҷкәын 13 рҟынӡа. Асахьақәа ӡырнагоит Урыстәылатәи аҟазаратә галереиа, Урыстәыла Акультура аминистрра ацхыраарала.
#social