Амаҵзуратә машьына аԥсҟы зкыз Аӡҩыбжьа ақыҭан амҩан амашәыр ҟаиҵеит ҳәа аанацҳауеит Аԥсны АҩАР.

Очамчырантәи Аҟәаҟа иаауаз 30 шықәса зхыҵуа Саид Габуниа аԥсҟы изнымкылакуа иаԥхьа иааиуаз Nissan Skyline дасит, анаҩс даҽа машьынак Toyota Mark II иареи ааихеит.

Авариа иахҟьаны ааха зауз ҳәа аӡәгьы дыҟаӡам. Амашьынақәа аԥхасҭа роуит.

АҩА рминистрра адыррақәа рыла, амашьынарныҟәцаҩ арыжәтә ыжәны, анаркотикатә маҭәашьарқәа идкыланы дыҟан.