Амикрогрантқәа рсистема хацнаркуеит Россотрудничество 2027 шықәсазы ҳәа адырра ҟаиҵеит амаҵзура анапхгаҩы ихаҭыԥуаҩ Андреи Емелианов.
КСОРС VII Атәылатә конференциа "Ажәлар ракзаара — иҭышәынтәалоу аҿиара иашьагәыҭуп" аҟны дықәгыло, иара иазгәеиҭеит аперспектива змоу акультура-гуманитартә проектқәа аԥаразоужьра шымҩаԥгахо.
"Аԥарақәа роуразы амеханизмқәа ируакуп аусмҩаԥгатәқәа реиҿкаара. Урҭ рымҽхак ҭбаазароуп, аинтерес рыҵазароуп, зегь реиҳа ихадоу, ԥхьаҟатәи аҿиаразы алшара рымазароуп", — ҳәа ациҵеит Емелианов.
Иара убасгьы иара иазгәеиҭеит Россотрудничество аусура ахырхарҭа хадақәа ишреиуоу ҳџьынџьуаа рзинқәа рыхьчара.
"Ҳара Урыстәыла Асоциалтә фонди ҳареи аиқәшаҳаҭра ҳабжьаҳҵахьеит, уи аиқәшаҳаҭра аҳәаақәа ирҭагӡаны абжьгарақәа рформатқәа аус рыдаҳулоит", — ҳәа азгәеиҭеит иара.
Post #21527
26