Аҟәа акоммуналтә маҵзурақәа русура ирӷәӷәоу арежим ахь ииагоуп ҳәа аанацҳауеит ақалақь ахадара апресс-маҵзура.

Аԥшатлакә аҵлақәа еиланажьит, амҩадуқәа аӡы рнылеит, уи аҭагылазаашьа аруадаҩит.
Аспециалистцәа амҩадуқәа ррыцқьара иалагахьеит: аҵлақәа хҵәаны амҩадуи ашьаҟамҩақәеи рҟынтәи иқәыргоит. Аусурақәа ирыцырҵоит аҭагылазаашьа ҭышәынтәалахаанӡа.

Аиҳабыра ауааԥсыра рахь ааԥхьара ҟарҵоит аҩны иаанхарц, рхатә транспорт ԥсыхәа анамам акәымзар  рхы иадмырхәарц.

Авидео © Аҟәа ахадара апресс-маҵзура