Аԥсныҟа иаагоуп араионтә машьына-трактортә станциақәа рзы агьежьхарԥақәа актәи ахәҭа.

Уи аанахәеит Ақыҭанхамҩа аминистрра амашьына-трактортә станциақәа рзы "2026 шықәсазтәи ақыҭақәа рыҿиаразы" аҳәынҭпрограмма аҳәаақәа ирҭагӡаны. Аҳәынҭқарратә биуџьет аҟынтәи иазоужьын — 5 млн мааҭ.

Уажәазы иаагоуп 120 цыра. Урҭ араионтә машьына-трактортә станциақәа рҭахрақәа инарықәыршәаны еихшахоит ҳәа иҳәеит Аԥсны ақыҭанхамҩа аминистрра амеханизациа аҟәша аиҳабы Асҭамыр Асланӡиа.