Аҟәа аԥшаҳәаҿы Архип Лабахәуа искульптурақәа ҩба ықәыргылахоит.

"Аҷкәыни адунеи атлас хәыҷи" — Диоскураа рыԥшаҳәаҿы иқәыргылоуп, "Аҷкәыни аԥшеи" — Амшынбаӷәаза асқьалаҿы иаартхоит.

Лабахәуа иажәақәа рыла, аџьаз иалху аскульптурақәа Даур Занҭариа инашанатә реализм ахь ухьадырԥшуеит. Ҷкәынак аԥша дацыхәмарырц даҿуп, егьи - инапкымҭақәа ықәыргыланы "Адунеи атлас маҷ" даԥхьоит.

Автор иазгәеиҭоит ахәыҷтәы хдырра, ма аԥсы "аҿыхара" ианалаго азҵаара еснагь дшазҿлымҳаз.

"Сара сгәаанагарала, хәышықәса рҟынӡа зхыҵуа ахәыҷқәа анцәа ихәмаргақәоуп, фышықәса, быжьшықәса, аашықәса анырхыҵуа ахдырра, аԥсы захьӡу аԥсҭазаара иалагоит", — иҳәеит Лабахәуа.

Аскульптур иажәақәа рыла, апроект нагӡоуп Аԥсны Жәлар Реизара адепутат Резо Занҭариа ицхыраарала.