Аԥсны адәныҟатәи аусқәа рминистрра Аԥсны иршьыз Амина Бикбова лҭаацәа ирыдышшылеит.

Аусбарҭаҿы инаҵшьны иазгәарҭеит иҟалаз Аԥсны ауаажәларра ргәы ишалсыз.

"Зынӡаск иҟамлароуп итәылауаҩреи истатуси ирыхьмырԥшыкәа Аԥсны Аҳәынҭқарра аҵакыраҿы аӡәгьы ацәгьа дақәшәар ҟалаӡом", — рҳәеит аминистрраҟны.

Иҟалаз ахҭыс инамаданы азинхьчаратә усбарҭақәа аоператив-усеилыргаратә уснагӡатәқәа мҩаԥыргоит. Агәызҩара ззыҟоу даанкылоуп, иҟалаз аҭагылазаашьақәа зегьы шьақәдыргылоит.

Аԥсны АдәАР адырра ҟанаҵеит азинхьчаратә усбарҭақәа аус шрыцнауа, аусҭҵаара амҩаԥысшьа ишацклаԥшуа.