РУСДРАМ зегьы еилыркаауа аԥсуа культуратә беиара аӡыргара амҩа иануп иҳәеит Фазиль Искандер ихьӡ зху атеатр адиректор хада Иракли Хынҭәба, Санкт-Петербург имҩаԥысуаз еидҵоу акультурақәа Рфорум аҟны.
"Ҳара аԥсуа культуратә мазареи, уи аҷыдарақәеи, аформақәеи аурыс театртә школ, атеатртә традициа, аурыс театр атехнологиа рыла иааҳрыԥшуеит. Абас еиԥш иҟоу атеатр даара аинтерес аҵаны, иаҭахны иҟалеит", — иҳәеит Хьынҭәба.
Иара иациҵеит аԥсуа уаажәларраҿы изыхцәажәо атемақәа ауниверсалтә ҵакы шрымоу. Уи иазгәанаҭоит РУСДРАМ аусурала.
Еидҵоу акультурақәа XII рфорум мҩаԥысуеит Санкт-Петербург цәыббра 24-26 рзы атема хада "Еидҵоу акультурақәа — азеиԥш беиарақәа" ала. Уи иалахәуп Аԥсны назлоу 70 тәыла инареиҳаны рделегациақәа.
Post #21013
51