"Аԥснытәи ахысратә клуб" аҟны хыхкыкны аицлабразы атурнир аатит, арккара спорт-патриоттә форум "Аизарҭа ҭыԥ: Аԥсны" аҳәаақәа ирҭагӡаны.

Уи иалахәуп ААУ, Гәылрыԥшь, Гагра, Аҟәа, Очамчыра, Тҟәарчал араионқәа рҟынтәи 11 команда рлахәылацәа 150-ҩык рҟынӡа, иара убас ААРА акоманда ҳәа Sputnik иазеиҭарҳәеит афорум апресс-маҵзураҿы.

Дара адронқәа рнапхгараҭаратә ҟазара, апрактикатә хысра аелементқәа злоу ар ркроссфит рҿы еицлаблоит. Иара убасгьы, аԥынгылатә цәаҳәақәа ирхысраны иҟоуп.

Алҵшәа адистанциа ахысра азеиԥш аамҭала иԥхьаӡахоит. Аицлабрақәа реихшьаалақәа рыла аиааира згаз акомандақәа хԥа шьақәыргылахоит. Аиааира згаз амедалқәа роуеит, иара убасгьы ахраҿазгьы еиндаҭлоит.

Аиҿкааҩцәа — ИИА "Импакт" (Содействие), Ареспубликатә уаажәларратә еиҿкаара "Аԥсны аибашьра аветеранцәа Рассоциациа" аиҿкаара "Аԥсны Ҿа" ацхыраареи Урыстәыла ахада игрантқәа Рфонд адгылареи рыла.