Сустрэча "Беларускі рух у Вільні": Беларуская Хрысціянская Дэмакратыя пашыраецца.

Паразмаўлялі пра тое, які досвед Скарыны, Каліноўскага, Багушэвіча, Луцкевічаў, Станкевіча, Цёткі ды іншых віленскіх волатаў варта і трэба пераймаць беларусам сёння.

Другая беларуская школа ў Вільні, беларускамоўны дзіцячы садок, "нулявы" клас у гімназіі Францішка Скарыны, экалагічная акцыя 25 красавіка разам з літоўцамі, "Чарнобыльскі шлях", малітва за Беларусь, экскурсіі па Вільні, працоўны хаб для беларусаў, збор подпісаў за беларускамоўны галасавы ўвод у Гугле - абмеркавалі тое, што можна і трэба рабіць цяпер.

А напрыканцы правялі віктарыну пра знакавыя мясціны Вільні: галоўны прыз, Біблію па-беларуску, выйграў Андрэй Квашэвіч.

Дзякуй усім, хто рыхтаваў сустрэчу, дапамагаў і ўдзельнічаў, сябры!

Фота Радыё Рацыя