⚡️Агульным пасяджэннем Каардынацыйнай Рады было прынята рашэнне аб стварэнні камісіі па нацыянальнай і рэгіянальнай бяспецы

✍️ Камісію па нацыянальнай і рэгіянальнай бяспецы ўзначаліў Аляксандр Клачко з фракцыі "Воля".

Камісія мусіць пераследваць наступныя мэты:

1️⃣Адсочваць пабежны стан і тэндэнцыі рэгіянальнай бяспекі і ўнутраных абставін у Беларусі. Арганізоўваць (замаўляць) экспэртную ацэнку ў гэтых тэмах.

2️⃣ Каардынаваць дзейнасць КР у пытаннях бяспекі з АПК і Офісам Святланы Ціханоўскай, разглядаць пытанні нацыянальнай і рэгіянальнай бяспекі з пункту гледжання нацыянальных інтарэсаў Беларусі ва ўзаемадзеянні з зацікаўленымі бакамі.

3️⃣ Дапамагаць дзейным ва Украіне і былым беларускім добраахвотнікам у краінах іх пражывання.

4️⃣ Развіваць «сілавы» чыннік для ўзмацнення пазыцыі дэмакратычных сілаў Беларусі ў справе транзіту ўлады ад дыктатуры да дэмакратыі, у пытаннях аднаўлення, захавання і ўмацаванне дзяржаўнага і народнага сувэрэнітэту, тэрытарыяльнай цэласнасці краіны.