Biz haqiqat deb bilgan qarashlar kimga foyda keltiradi o'zi? Shu haqida hech o'ylab ko'rganmisiz? Subhadra Dasning "G‘arbni G‘arb qilgan 10 yolg‘on" kitobini o'qib chiqqach shu savol hech boshimdan chiqmay qoldi.

Biz vaqt, qonun, ilm-fan kabi tushunchalarni xolis, hamma uchun birdek ishlaydigan mezon deb qabul qilamiz. Muallif esa ulardan imperialistlar boshqa xalqlarni boshqarish, boyliklarini egallash va buni "taraqqiyot" deb ko‘rsatish uchun qanday foydalanilganini ilmiy tahlil qiladi.

Kitobni o‘qib, "qonuniy bo‘lsa, demak, adolatli" yoki "rivojlangan davlat aytyaptimi, demak, to‘g‘ri" degan qarashlar haqida o‘ylanib qolasan kishi. Axir bir fikrning hammaga singib ketgani uning haqiqat ekanini anglatmaydi. Shunday emasmi?

Kitobda tahlil qilingan bob(yolg'on)ning ba'zilarini tahlil qilib, sizlar bilan bo'lishib bormoqchiman. Kitob yaqin haftalarda UFQ nashriyoti tomonidan sotuvga chiqariladi.

➡️@qora_yigit