Kuzgi ertaklardan sarg'ish estalik,
Oyni allalaydi tong beshiklari.
Mening bag'rim hamda sening dardingda,
Faqat muhabbatning bor eshiklari.
Lablaring ko'ksimda qonagan shafaq,
Botib borayapman ko'nglingga nurab.
Vayronazor bo'ldi boshdan oyog'i,
Boshlar oyog'inda, qarangiz, yo rab.
Erka yellar o'tar qo'ltiqlab xazon,
Xazon yillar o'tdi umrga do'nib.
Nimadir ingrandi yurak tomonda,
Nahot sensizlikka bo'lmaydi ko'nib?!
Ikkimiz ikkiyon, norozi qismat,
G'ichirlab irg'anar hijron beshigi.
Men seni kutaman, sen esa meni,
Ochilib turadi, hayot eshigi...
©️Muhiddin Nido
➡️@qora_yigit
Post #3333
822
- 🔥 24
- 💔 8
- ✍ 5
- 💋 5
- ⚡ 1