Qisqasi - eng sara yangiliklar

🇺🇿 Parij-2024 Olimpiadasi chempioni Diyora Keldiyorova Qozog‘istonda o‘tayotgan “Aktau Asian Open 2026” xalqaro dzyudo turnirida g‘olib bo‘ldi.

🥋 Hamyurtimiz 52 kilogrammgacha vazn toifasida finalga chiqib, ozarbayjonlik raqibini muddatidan avval mag‘lub etdi va oltin medalni qo‘lga kiritdi.

🏆 Shu tariqa, Olimpiada chempionimiz ikki yillik tanaffusdan keyingi ilk xalqaro musobaqasini g‘alaba bilan yakunladi.

🤝 Saida Mirziyoyeva Gonkongdagi eng yirik kompaniyalardan biri — Henderson Land Group boshqaruvi raisi Piter Li bilan uchrashib, O‘zbekistondagi istiqbolli investitsiya loyihalarini muhokama qildi.

🏗 Muzokaralarda qayta tiklanuvchi energetika, Yangi Toshkent infratuzilmasini rivojlantirish va ta’lim sohalarida qo‘shma loyihalarni amalga oshirish imkoniyatlari ko‘rib chiqildi.

💼 Shuningdek, yangi tashkil etilayotgan Toshkent xalqaro moliya markazi orqali investitsiyaviy hamkorlikni qo‘llab-quvvatlash masalasi muhokama qilindi. O‘zbekiston Gonkongning yetakchi biznes doiralari bilan uzoq muddatli sheriklikni kengaytirishdan manfaatdor ekani ta’kidlandi.

🇷🇺 Moskva daryosi bo‘yida, Gagarin ko‘prigi yaqinida 24 qavatli noodatiy bino barpo etish rejalashtirilmoqda. Uning dizayni Rossiyaning mashhur matryoshka qo‘g‘irchog‘ini eslatadi.

🪆 Bino pastki qismida tor, yuqoriga ko‘tarilgan sari esa kengayib boradigan shaklda bo‘ladi. Biznes markaz 3 800 kishilik ish o‘rniga mo‘ljallangan.

🏗 Qurilishni 2027-yilda boshlash rejalashtirilgan. Bino qachon foydalanishga topshirilishi hozircha ma’lum emas.

🇺🇿 16-oktabr kuni Prezident Shavkat Mirziyoyev Toshkentda Saudiya Arabistoni, Turkiya, BAA, Xitoy, Ozarbayjon, Buyuk Britaniya va O‘mon kompaniyalari rahbarlari bilan muzokaralar o‘tkazdi.

🏗 ACWA, Masdar, AMEA Power, Cengiz Holding, Aksa Enerji, China Energy va Voltamp Energy kabi kompaniyalar bilan yangi elektr stansiyalari qurish, quyosh va shamol energetikasini rivojlantirish, elektr tarmoqlarini modernizatsiya qilish va transformatorlar ishlab chiqarish masalalari muhokama qilindi.

🛢 SOCAR va British Petroleum bilan Ustyurtdagi neft-gaz konlarini o‘zlashtirish, Xitoy kompaniyalari bilan esa Andijonda logistika xabi tashkil etish, energiya saqlash va chiqindilarni qayta ishlash loyihalari ko‘rib chiqildi.

🇺🇸 Shuningdek, Prezident AQShning maxsus vakili Serjio Gor bilan uchrashib, Davlat kotibi Marko Rubioning O‘zbekistonga bo‘lajak tashrifi va C5+1 formatidagi muzokaralarga tayyorgarlik masalalarini muhokama qildi.

🇪🇸 27 yoshli Diego Ponsele maxsus aerodinamik kiyimda 2,2 kilometrli tog‘ yo‘lidan skeytbordda pastga tushib, 151,8 km/soat tezlikka erishdi.

🏆 Daunhill-skeytbording bo‘yicha ikki karra jahon chempioni ushbu rekordga 4 yil tayyorgarlik ko‘rgan. U xavfsizlik vositasi sifatida faqat dubulg‘adan foydalangan.

⚡️ Avvalgi rekord 146,7 km/soat bo‘lib, 9 yil davomida yangilanmagan edi.

🤝 Istanbulga tashrif davomida Saida Mirziyoyeva Turkiya Prezidenti Rejep Tayyip Erdog‘an bilan uchrashib, unga Prezident Shavkat Mirziyoyevning samimiy tilaklarini yetkazdi. Muloqotda ikki davlat o‘rtasidagi hamkorlikni yanada mustahkamlash masalalari muhokama qilindi.

🎓 Shuningdek, Najmiddin Bilol Erdog‘an bilan birgalikda Ibn Xaldun universiteti va “Yenidog‘u” maktabi faoliyati bilan tanishildi. Ta’lim muassasalari o‘rtasida tajriba almashish, o‘quvchilar, talabalar va pedagoglar uchun yangi imkoniyatlar yaratishga kelishib olindi.

🚀 Tashrif doirasida Turkiyaning “Baykar” kompaniyasi majmuasi ham ko‘zdan kechirildi. Mudofaa sanoati va yuqori texnologiyalar sohasida tajriba almashish hamda qo‘shma loyihalarni amalga oshirish imkoniyatlari qayd etildi.

🎨 Uchuvchi rassom Edvard Munkning «Qichqiriq» asarini samolyotning parvoz yo‘nalishi orqali qayta yaratdi. Buning uchun u 1978-yilda ishlab chiqarilgan Cessna R182 Skylane samolyotidan foydalangan.

🛩 6 soatlik parvoz davomida samolyot shunday yo‘nalishda harakatlanganki, uning xaritadagi izi ulkan suratni hosil qilgan. 46 × 38 kilometrli tasvir yaratilishini real vaqt rejimida 250 ming kishi kuzatgan.

🖼 Uchuvchi avval ham shu usulda Mona Liza va Sauron tasvirlarini yaratgan. Biroq «Qichqiriq» uning hozirgacha eng yirik ishi bo‘lgan.

📋 Prezident Administratsiyasi Rahbarining farmoyishiga ko‘ra, Akramjon Fozilov Prezidentning vakillik organlari, nodavlat notijorat tashkilotlar va yoshlar masalalari bo‘yicha maslahatchisining birinchi o‘rinbosari etib tayinlandi. U bungacha Kommunikatsiyalar departamenti boshlig‘ining birinchi o‘rinbosari edi.

🏛 Aziza Qurbonova Prezident Administratsiyasi Kommunikatsiyalar departamenti boshlig‘ining birinchi o‘rinbosari, Xushnud Xudayberdiyev esa ushbu departament boshlig‘ining o‘rinbosari lavozimiga tayinlandi.

🔄 Shuningdek, Farruh Omonov boshqa ishga o‘tishi munosabati bilan Kommunikatsiyalar departamenti boshlig‘i o‘rinbosari — Prezident Xalq qabulxonasi boshlig‘i lavozimidan ozod etildi.

🚢 14-oktabr kuni Hormuz bo‘g‘ozida Singapur bayrog‘i ostida suzayotgan GFS Pride yuk kemasi yong‘in chiqishi ortidan cho‘kib ketdi. Xabarlarga ko‘ra, kemada 2500 dan ortiq konteyner bo‘lgan.

📦 Yuklar orasida yangi iPhone’lar, qimmatbaho atirlar va kosmetika mahsulotlari ham bo‘lgani aytilmoqda. Internetda mahalliy baliqchilar qayiqda suzib, suv yuzasida qolgan mahsulotlarni yig‘ib olayotgani aks etgan videolar tarqaldi.

🚨 Eron tomoni kema dengiz minasiga urilganini bildirgan. Biroq xalqaro dengizchilik manbalariga ko‘ra, unga noma’lum snaryad tekkan. Kemadagi 21 nafar ekipaj a’zosining barchasi qutqarilgan, jabrlanganlar yo‘q.

🇺🇿 Prezident Shavkat Mirziyoyev energetika sohasidagi investorlar bilan ochiq muloqot o‘tkazdi. Tadbir davomida 4,7 milliard dollarlik 6 ta yirik loyiha bo‘yicha bitimlar imzolandi. Ular hisobiga 3 ming megavatt yangi elektr ishlab chiqarish quvvati yaratiladi.

🔋 So‘nggi 10 yilda mamlakat energetikasiga 35 milliard dollar investitsiya kiritilgan. Qayta tiklanuvchi energiyaning jami ishlab chiqarishdagi ulushi 31 foizga yetgan. 2030-yilgacha bu ko‘rsatkichni 54 foizga oshirish rejalashtirilmoqda.

🏗 Shuningdek, 2030-yilgacha 5 ming kilometr elektr tarmog‘i va 16 ta yirik podstansiya quriladi. Forishdagi atom elektr stansiyasi uchun mahsulotlar ishlab chiqaradigan maxsus sanoat zonasi tashkil etish ham ko‘zda tutilgan.

🇺🇿 Rossiyaning «Anji» klubidagi faoliyati orqali o‘zbekistonlik muxlislarga tanish bo‘lgan tajribali murabbiy Gadji Gajiyev G‘azalkent klubida ish boshlash arafasida ekani xabar qilinmoqda.

🏟 Murabbiyning Proliga klubida aynan qaysi lavozimni egallashi hozircha noma’lum. Rasmiy tayinlov haqida ma’lumot berilmagan.

🏅 Ma’lumot uchun, Gajiyev 1988-yilgi Seul Olimpiadasida oltin medalni qo‘lga kiritgan SSSR futbol terma jamoasi murabbiylar shtabida faoliyat yuritgan.

🤝 Prezident Shavkat Mirziyoyev Boku shahrida Qatar Amiri Shayx Tamim bin Hamad Ol Soniy bilan uchrashib, ikki davlat o‘rtasidagi strategik sheriklikni kengaytirish masalalarini muhokama qildi.

📈 Energetika, kimyo sanoati, oziq-ovqat xavfsizligi, transport va qurilish sohalarida qo‘shma loyihalar amalga oshirilmoqda. Joriy yil boshidan buyon Qatar investitsiyalarining o‘zlashtirilishi sezilarli oshgani qayd etildi.

🌏 Dekabr oyida Dohada Hukumatlararo qo‘shma komissiya va Ishbilarmonlar kengashi yig‘ilishlarini o‘tkazish rejalashtirilmoqda. Tomonlar xalqaro va mintaqaviy masalalar yuzasidan ham fikr almashdilar.

🍎 1976-yilda ishlab chiqarilgan Apple I kompyuteri Bonhams auksionida 1 million 128 ming dollarga sotildi. Ikki xaridor o‘rtasidagi savdolashuv 28 daqiqa davom etdi.

💰 Qizig‘i, ushbu kompyuter avval 40 ming dollarga, keyinchalik esa 671 ming dollarga sotilgan. Yangi egasiga ishlaydigan kompyuter bilan birga Stiv Jobsning maktubi va Stiv Voznyakning imzosi ham topshirildi.

🏆 Apple I eng qimmat sotilgan iste’molchi kompyuteri sifatida rekord o‘rnatdi. Biroq Apple-1 prototipi avvalroq 2,75 million dollarga sotilgan.

🤝 15-oktabr kuni Prezident Shavkat Mirziyoyev Boku shahrida Laos Prezidenti Txonglun Sisulit bilan uchrashib, ikki davlat munosabatlarini yangi bosqichga olib chiqish masalalarini muhokama qildi.

📈 Tomonlar o‘zaro savdo hajmini oshirish, ishbilarmonlik aloqalarini rivojlantirish hamda transport, logistika, farmatsevtika, tibbiyot va turizm sohalarida qo‘shma loyihalarni amalga oshirishga e’tibor qaratdilar.

🌏 Shuningdek, ta’lim va madaniyat sohalaridagi hamkorlikni kengaytirish, savdo-iqtisodiy aloqalarning huquqiy asoslarini mustahkamlash va xalqaro masalalar yuzasidan fikr almashildi.

🇨🇳 Xitoyning NORINCO kompaniyasi qalqon va tayoqlar bilan jihozlangan, jamoat tartibini saqlashda foydalanish uchun mo‘ljallangan odamsimon robotlarni namoyish etdi.

🦾 90 kilogrammli robotlar guruh bo‘lib harakatlanishi, yuzlarni tanishi va favqulodda vaziyatlarga javob qaytarishi aytilmoqda. Zarur hollarda boshqaruvni inson operatori o‘z qo‘liga oladi.

🚨 Ishlab chiquvchilar ulardan patrullik, razvedka, obyektlarni qo‘riqlash va xavfli hududlarda ishlash uchun foydalanishni taklif qilmoqda.

🤝 15-oktabr kuni Prezident Shavkat Mirziyoyev Boku shahrida Vyetnam vitse-prezidenti Vo Txi An Suan bilan ikki davlat o‘rtasidagi hamkorlikni kengaytirish masalalarini muhokama qildi.

📈 Uchrashuvda o‘zaro savdo hajmi ortib borayotgani qayd etildi. Neft-kimyo, elektrotexnika, to‘qimachilik va qishloq xo‘jaligi sohalarida qo‘shma loyihalarni amalga oshirish imkoniyatlari ko‘rib chiqildi.

🌏 Vyetnam vakili davlatimiz rahbariga mamlakat Prezidenti To Lamning salomi va ezgu tilaklarini yetkazdi. Tomonlar xalqaro va mintaqaviy masalalar yuzasidan ham fikr almashdilar.

🇺🇸 15-oktabr kuni Oregon shtatining Bend shahridagi Silver Rail boshlang‘ich maktabida 16 yoshli o‘smir quroldan o‘q uzib, binoga bostirib kirgan.

🕯 Hujum oqibatida 5, 8 va 11 yoshli uch nafar bola hamda bir o‘qituvchi halok bo‘lgan. Yana 7 yoshli bola va 54 yoshli o‘qituvchi og‘ir ahvolda shifoxonaga yotqizilgan.

👮 Politsiya ma’lumotiga ko‘ra, hujumchini maktabga kirganini ko‘rgan fuqaro ortidan quvib, otib o‘ldirgan. Jinoyat sabablari o‘rganilmoqda. Hodisa tufayli hududdagi 32 ta maktabda darslar bekor qilingan.

🤝 15-oktabr kuni Prezident Shavkat Mirziyoyev Boku shahrida Kambodja Bosh vaziri Xun Manet bilan uchrashib, ikki davlat o‘rtasidagi hamkorlikni rivojlantirish masalalarini muhokama qildi.

📈 Tomonlar o‘zaro savdo hajmini oshirish, sanoat ko‘rgazmalarini tashkil etish, biznes delegatsiyalar almashinuvini yo‘lga qo‘yish hamda investitsiyaviy kelishuvlarni jadallashtirishga kelishib oldilar.

🌏 Shuningdek, turizm, madaniyat va parlamentlararo aloqalarni kengaytirish, BMT, ShHT va ASEAN doirasidagi hamkorlikni mustahkamlash masalalari ko‘rib chiqildi.

🇹🇷 Turkiyaning Istanbul shahrida kuchli yomg‘irlar katta suv toshqinlariga sabab bo‘ldi. Ayrim hududlarda bir kvadrat metrga 272 kilogrammgacha yog‘ingarchilik tushgan.

🚨 So‘nggi ma’lumotlarga ko‘ra, 4 kishi, jumladan, 14 yoshli o‘smir halok bo‘lgan. Mingdan ortiq suv bosish holati qayd etilib, uylar, yo‘llar, metro bekatlari va shifoxonalarga zarar yetgan.

✈️ Noqulay ob-havo sabab 46 ta samolyot aeroportlarga qo‘na olmagan. Maktablarda 15–16-oktabr kunlari darslar bekor qilingan, aholiga zaruratsiz ko‘chaga chiqmaslik tavsiya etilmoqda.

🌏 Prezident Shavkat Mirziyoyev 15-oktabr kuni Bokuda 28 ta davlatni birlashtirgan OHIChKning VII sammitida ishtirok etdi. Davlatimiz rahbari Osiyoda yagona ishonch infratuzilmasini shakllantirish konsepsiyasini ishlab chiqishni taklif qildi.

🤖 Shuningdek, sun’iy intellektdan mas’uliyatli foydalanish bo‘yicha Osiyo tashabbusi, iqlim barqarorligi sohasida hamkorlik va transport-energetika aloqalarini kengaytirish takliflari ilgari surildi.

🤝 O‘zbekiston 2027-yilda Inson salohiyatini rivojlantirish forumini o‘tkazishga tayyorligini bildirdi. Prezident davlatlar yetakchilarini kelasi yili Toshkentda bo‘ladigan Qo‘shilmaslik harakatining XX sammitiga taklif etdi.