💔Палітвязень Сяргей Ярашэвіч адзначыў Дзень народзінаў у ШІЗА

У траўні 2021-га Антаніну Канавалаву разам з яе палітзняволеным мужам Сяргеем Ярашэвічам асудзілі да 5,5 гадоў калоніі па справе «Арміі з народам». У Антаніны і Сяргея ёсць двое маленькіх дзяцей: Ваня і Насця.

Антаніна ў снежні 2024 года выйшла на волю па памілаванні, а праз некалькі месяцаў была эвакуяваная з Беларусі.

Сяргей працягвае знаходзіцца ў зняволенні, дзе на яго ўвесь час аказваецца ціск. У 2023 годзе яму дадалі яшчэ 9 месяцаў калоніі паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Цяпер маці Антаніны паведаміла ў фэйсбуку, што свой Дзень народзінаў 16 чэрвеня Сяргей адзначыў у ШІЗА.