Otabek Usmanov | Raqobat qo‘mitasi

Рақобат қўмитаси томонидан Наманган, Самарқанд ва Навоийдаги тиббиёт муассасаларида фуқаролардан 200 млн сўмдан ортиқ асоссиз маблағ олингани аниқланиб, қайтарилиши белгиланди

🇺🇿 Рақобат қўмитаси томонидан аҳолига кўрсатилаётган пуллик тиббий хизматлар нархларининг шакллантирилиши бўйича тегишли қонунчилик талабларига риоя этилиши юзасидан ўрганиш ишлари олиб борилмоқда.

Ҳудудлар кесимида мисоллар:

✅ Наманган вилояти
Ҳудудий бошқарма томонидан Наманган вилоят болалар кўп тармоқли тиббиёт марказида ўтказилган ўрганишда, муассаса томонидан 2026 йилнинг февраль, март ва апрель ойларида УЗИ аппарати орқали кўрсатилган хизматлар бўйича жами 416 нафар истеъмолчидан навбатдаги қиёслов кўригидан ўтказилмаган ҳолда 34,3 млн сўм маблағ асоссиз олинганлиги аниқланди.

Жумладан, Ўзбекистон Республикаси “Истеъмолчилар ҳуқуқларини ҳимоя қилиш тўғрисида”ги Қонунининг 10-моддасида Товарлар (ишлар, хизматлар) учун ҳақ тўлаш нақд пулли ёки нақд пулсиз шаклда амалга оширилиши мумкин. Сотувчининг (ижрочининг) ҳақ тўлаш шаклига қараб товарнинг айни бир маркаси (модели, артикули), шунингдек бир хил ҳажмдаги ва сифатдаги ишлар, хизматлар учун ҳар хил нархлар (тарифлар) белгилаши, шу жумладан уларни сунъий равишда ошириши ёки пасайтириши тақиқланади. Товарлар (ишлар, хизматлар) учун нақд пулсиз шаклда ҳақ тўланганда, истеъмолчиларга рағбатлантиришлар берилиши мумкинлиги белгилаб берилган.

✅ Самарқанд вилояти
Ҳудудий бошқарма томонидан Каттақўрғон туман соғлиқни сақлаш бўлимида ўтказилган ўрганишлар давомида муассаса томонидан 2024–2025 йиллар давомида белгиланган тартибларга риоя этмаган ҳолда нархларни ошириб белгилаш натижасида беморларга кўрсатилган пуллик тиббий хизматлар бўйича 55,7 млн сўмга яқин ортиқча маблағ олинганлиги аниқланди.
 
✅ Навоий вилояти
Ҳудудий бошқарма томонидан Республика ихтисослаштирилган она ва бола саломатлиги илмий-амалий тиббиёт маркази Навоий вилоят филиалида ўтказилган ўрганишлар давомида муассаса томонидан 2023–2025 йиллар давомида белгиланган талабларга риоя этмаган ҳолда нархларни ошириб белгилаш натижасида беморларга кўрсатилган пуллик тиббий хизматларда 35 млн сўмга яқин ортиқча маблағ олинганлиги аниқланди.
 
✅ Юқоридагиларга кўра, Наманган, Самарқанд ва Навоий вилояти ҳудудий бошқармалари Махсус комиссиялари томонидан қонунбузилиш ҳолатлари юзасидан мазкур учта тиббиёт муассасаларига нисбатан белгиланган тартибда иш қўзғатилди.

✈️ Шунингдек, тарифларни амалдаги тартиб ва талаблар асосида қайта шакллантириш ҳамда нархларни мақбуллаштириш, 125 млн сўмга яқин маблағни истеъмолчиларга қайтариш бўйича бажарилиши мажбурий бўлган кўрсатмалар берилди.

FACEBOOK|TELEGRAM |INSTAGRAM |X|YOUTUBE

Соғлиқни сақлаш вазирлиги ҳузуридаги Харидлар марказининг бошланғич нархи 14 млрд бўлган тендер савдосида қонунбузилиш ҳолатининг олди олинди

✈️ Рақобат қўмитаси томонидан "Skymed-Technologies" МЧЖ мурожаатига асосан Ўзбекистон Республикаси Соғлиқни сақлаш вазирлиги ҳузуридаги Харидлар маркази давлат муассасаси буюртмачилигида тиббий жиҳозлар харид қилиш бўйича бошланғич нархи 14 млрд бўлган тендер савдосида “Рақобат тўғрисида”ги Қонун талабларига мувофиқлиги юзасидан ўрганиш ишлари олиб борилди.

🤩 Олиб борилган ўрганиш натижасида, Харидлар маркази давлат муассасаси томонидан “Рақобат тўғрисида”ги Қонунининг 29-моддаси талабларига риоя қилинмаганлиги, яъни савдоларда рақобатни чеклайдиган ёки чеклашга олиб келиши мумкин бўлган ҳаракатлар аниқланди.

✈️ Юқоридагиларга мувофиқ, амалга оширилган ишлар натижасида Харидлар маркази давлат муассасаси томонидан ўтказилган тендер савдоси белгиланган тартибда бекор қилинди.

🤩 Аниқланган қонунбузилишларнинг олди олиниши давлат маблағларининг самарали ва шаффоф сарфланишини таъминлайди, шу билан бирга тадбиркорлар учун очиқ ва адолатли рақобат муҳитини шакллантиришга хизмат қилади.

FACEBOOK|TELEGRAM |INSTAGRAM |X|YOUTUBE

👍👍👍👍👍👍  | 🔠🔠🔠🔠🔠🔠🔠

🇺🇿 Рақобат қўмитасининг ҳафталик дайжести.

FACEBOOK|TELEGRAM |INSTAGRAM |X|YOUTUBE

4 МЛРД СЎМДАН ОРТИҚ ҚИЙМАТДАГИ БИРЖА САВДОЛАРИДА ҚОНУНБУЗИЛИШ ҲОЛАТЛАРИ АНИҚЛАНИБ, ТЕГИШЛИ ЧОРАЛАР КЎРИЛДИ
 
🔻 Рақобат қўмитаси томонидан юқори ликвидли ва (ёки) монопол маҳсулотларни биржа савдоларига қўйиш тартибига риоя этилиши устидан тизимли назорат олиб борилиб, аниқланган қонунбузилишлар юзасидан тегишли чоралар кўрилмоқда.

Жумладан:
📍Қорақалпоғистон Республикаси:

Қўмита томонидан Вазирлар Маҳкамасининг 2020 йил 18 мартдаги 170-сонли қарори билан тасдиқланган Низом талабларига мувофиқ, “ECO TEKS CLUSTER” МЧЖ фаолиятида биржа савдоларини амалга ошириш тартиби ўрганилди.

Аниқланишича, 2023 йил 1 октябрдан 2026 йил 31 майга қадар пахта толаси, линт ва пахта ёғи маҳсулотлари биржа савдоларига қўйиш графиклари тасдиқланмасдан, тўғридан-тўғри шартномалар асосида сотилган. Жами 38 та ҳолатда қонунчилик талаблари бузилган. 11 та ҳолатда пахта толаси тўғридан-тўғри сотилиши натижасида биржа котировкаси ва шартнома нархи ўртасидаги фарқ ҳисобига 183,8 млн сўм асоссиз олинган маблағ аниқланган.

 
📍Андижон вилояти:

Ҳудудий бошқарма томонидан “SADAF SOF UNLARI” МЧЖнинг 2025 йил июль–декабрь ва 2026 йил январь–апрель ойларида биржа савдолари орқали харид қилинган буғдойни қайта ишлаш ва буғдой унини реализация қилиш фаолияти ўрганилди. Аниқланишича, жамият томонидан жами 3 918 тонна буғдой харид қилиниб, ундан 2 646 тонна 75 фоизли буғдой уни ишлаб чиқарилган.

Биржа савдоларига 2025 йил июль ойида режага нисбатан 258 тонна маҳсулот кам қўйилган. Сентябрь ойида 840 тонна, октябрь ойида 910 тонна, ноябрь ойида 810 тонна маҳсулот биржа савдоларига умуман қўйилмаган. Декабрь ойида режага нисбатан 570 тонна маҳсулот кам қўйилган.

Маҳсулотларни белгиланган ҳажм ва муддатларда биржа савдоларига қўйиш, режа-жадвалларга риоя қилиш ҳамда ўзгаришлар ҳақида ваколатли орган ва биржани ўз вақтида хабардор қилиш талаблари бузилган.

📍Жиззах вилояти:

Олиб борилган ўрганиш ва таҳлиллар давомида “GROUPTEXTIL” МЧЖ томонидан 2025 йил декабрь ойида 2 ҳолатда 1 186 тонна, қарийб 4,1 млрд сўмлик пахта чигити (техник) ва тола маҳсулотларини биржага қўйиш учун режалаштирилган юқори ликвидли ва (ёки) монопол турдаги маҳсулот ҳажмининг бир қисмини тасдиқланган муддатлар ва ҳажмларда савдога чиқармаганлик ҳолатлари мавжудлиги аниқланган.

 
📍Қашқадарё вилояти:

Бошқарма томонидан олиб борилган ўрганиш ва таҳлиллар давомида, вилоятдаги “Касби тегирмони” МЧЖ биржага қўйиш учун режалаштирган юқори ликвидли ва (ёки) монопол турдаги маҳсулот ҳажмининг бир қисмини савдога чиқармаганлик ҳолатлари аниқланган.

 
🤩 Мазкур ҳолатлар бўйича юқоридаги субъектларга нисбатан ҳудудий органларнинг Махсус комиссиялари томонидан “Рақобат тўғрисида”ги Қонуннинг 29-моддаси ва Вазирлар Маҳкамасининг 170-сонли қарори билан тасдиқланган Низом талаблари бузилиши билан иш қўзғатилиб, асоссиз олинган маблағларни қайтариш ва қонунбузилиш ҳолатини бартараф этиш ҳамда келгусида бундай ҳолатларга йўл қўймаслик юзасидан бажарилиши мажбурий бўлган кўрсатмалар берилди.

FACEBOOK|TELEGRAM |INSTAGRAM |X|YOUTUBE

Рақобат қўмитаси томонидан республика бўйлаб савдо ва коммунал соҳаларида истеъмолчилардан келиб тушаётган мурожаатлар мунтазам ўрганилиб, уларнинг ҳуқуқ ва қонуний манфаатлари ҳимоя қилинмоқда.

Жумладан,

📍 Қорақалпоғистон Республикаси

Фуқаро Г.Б. «SHIVAKI» русумли совутгичи бир неча бор таъмирланганига қарамасдан яна носоз ҳолатга келганидан норози бўлиб, қўмитага мурожаат қилган. Қўмита томонидан амалга оширилган ишлар натижасида, совутгич учун тўланган 6 млн сўмга яқин маблағ тўлиқ қайтарилиши таъминланди.

📍 Андижон вилояти

Фуқаро Қ.П. хонадонида истеъмол қилинган табиий газ учун 3 млн сўмдан ортиқ асоссиз қарздорлик ҳисоблангани ва суд қарорига қарамасдан бекор қилинмаганидан норози бўлиб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, 3 млн сўмдан ортиқ асоссиз қарздорлик бекор қилиниб, мурожаат ижобий ҳал этилди.

📍 Бухоро вилояти

Фуқаро М.Р. “Goodwell servise” МЧЖдан харид қилган “Chery Arrizo 6 Pro” русумли автомобилидаги нуқсонлар бартараф этилмаётганидан норози бўлиб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, автомобилнинг зарур эҳтиёт қисмлари янгисига алмаштириб берилиши таъминланди.

📍 Фарғона вилояти

Тошкент вилояти Олмалиқ шаҳрида яшовчи фуқаро С.Б. “Мунис” савдо дўконидан муддатли тўлов асосида харид қилган скутер аккумулятори қисқа муддатда ишдан чиққанидан норози бўлиб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, скутерга янги аккумулятор ўрнатиб берилиши таъминланди.

📍 Қашқадарё вилояти

Фуқаро Р.М. “Saturn” дўконидан муддатли тўлов асосида харид қилган кондиционери носозлиги сабабли шартномани бекор қилиш ва маблағини қайтаришни сўраб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, 4 млн сўмга яқин маблағ тўлиқ қайтарилди.

📍 Наманган вилояти

Фуқаро Х.З. “LuckyCar” МЧЖ автосалонидан харид қилган Onix русумли автомобилнинг мотор қисми носозлиги юзасидан, истеъмолчи сифатида ҳуқуқларини ҳимоя қилишда амалий ёрдам сўраб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, 40 млн сўмга яқин янги мотор қисмлари алмаштириб берилиши таъминланди.

📍 Навоий вилояти

Фуқаро И.С. “Ишонч” савдо дўкони билан боғлиқ ҳолат юзасидан 1 044 000 сўм маблағ ортиқча ечиб олинганидан норози бўлиб, Ҳудудий бошқармага мурожаат қилган. Шунингдек, фуқаро И.Ш. “Preum in trade” МЧЖдан харид қилган “Artel” русумли кондиционери кафолат муддатида носоз бўлиб, сервис марказига таъмирлаш учун олиб кетилгани, бироқ белгиланган муддатда қайтариб берилмаганидан норози бўлиб, Ҳудудий бошқармага мурожаат қилган.

Ҳудудий бошқарма томонидан амалга оширилган ишлар натижасида, И.С.нинг пластик картасига ортиқча ечиб олинган 1 044 000 сўм маблағ тўлиқ қайтариб берилиши, И.Ш.га эса носоз кондиционер кафолат шартлари асосида таъмирлаб берилиши таъминланди.

📍 Тошкент вилояти

Ҳудудий бошқармага фуқаро “UZUM MARKET” иловаси орқали харид қилган аккумулятори етказиб берилмагани ва картасидан 1 млн 870 минг сўм маблағ ечилганидан норози бўлиб мурожаат қилди.

Шунингдек, Рақобат қўмитаси Call-марказига фуқаро автосалондан харид қилинган “LI L7” Ultra русумли автомобилда нуқсонлар аниқлангани юзасидан мурожаат йўллади.

Ҳудудий бошқарма томонидан амалга оширилган ишлар натижасида 1 млн 870 минг сўм маблағ тўлиқ қайтарилиши, шунингдек, “CONTROL AUTO” МЧЖ томонидан қиймати 686 млн 517 минг сўм бўлган автомобилнинг аниқланган нуқсонлари тўлиқ бартараф этилиши таъминланди.

📍 Хоразм вилояти

Фуқаро Х.Б. кафолат муддатида носозлик аниқланган Samsung A07 русумли телефонини янгисига алмаштириб беришни сўраб, ҳудудий бошқармага мурожаат қилган. Ҳудудий бошқарма томонидан амалга оширилган ишлар натижасида, телефон янгисига алмаштириб берилиши таъминланди.

FACEBOOK|TELEGRAM |INSTAGRAM |X|YOUTUBE

#международный_тренинг

🇺🇿🇩🇪 В настоящее время начал свою работу международный тренинг на тему «Ключевой фактор развития бизнеса — клиентоориентированность и приоритет прав потребителей», организованный Комитетом по развитию конкуренции и защите прав потребителей при содействии организации German Sparkassenstiftung, совместно с Торгово-промышленной палатой, а также Уполномоченным по защите прав и законных интересов субъектов предпринимательства.

👥 В тренинге наряду с местными и зарубежными экспертами принимают участие представители около 100 субъектов предпринимательства, осуществляющих деятельность в различных сферах — торговле, медицине и фармацевтике, общественном питании, жилищном строительстве, а также в сфере цифровых услуг.

🪪 Мероприятие вступительным словом открыл заместитель председателя Комитета У. Давлатов, отметив в своём выступлении, что Комитет последовательно продолжает открытый диалог с предпринимателями посредством платформы «Биз сизни эшитамиз» («Мы вас слышим»), встреч на местах и открытых обсуждений. Он также подчеркнул, что основным направлением сегодняшнего тренинга является укрепление клиентоориентированного подхода в предпринимательской деятельности, а также принципов защиты прав потребителей и добросовестной конкуренции.

🤩 Основная цель тренинга — повышение правовой грамотности предпринимателей в сфере защиты прав потребителей, формирование законных, прозрачных и эффективных отношений с потребителями, а также укрепление доверия и лояльности клиентов как важных факторов долгосрочного и устойчивого развития компании.

FACEBOOK|TELEGRAM |INSTAGRAM |X|YOUTUBE

🔴 #халқаро_тренинг

🇺🇿 🇩🇪 Айни дамда Рақобат қўмитаси томонидан German Sparkassenstiftung ташкилоти кўмагида, Савдо-саноат палатаси ҳамда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан ҳамкорликда ташкил этилган “Бизнес ривожининг асосий омили – мижозга содиқлик ва истеъмолчилар ҳуқуқлари устуворлиги” мавзусидаги халқаро тренинг ўз ишини бошлади.

👥 Мазкур тренингда маҳаллий ва хорижий экспертлар билан бир қаторда савдо, тиббиёт ва фармацевтика, умумий овқатланиш, уй-жой қурилиши ҳамда рақамли хизматлар каби турли соҳаларда фаолият юритаётган 100 га яқин тадбиркорлик субъектлари вакиллари иштирок этмоқда.

🪪 Тадбирни Қўмита раиси ўринбосари У. Давлатов кириш сўзи билан очиб бериб, ўз нутқида Қўмита тадбиркорлар билан очиқ мулоқотни “Биз сизни эшитамиз” платформаси, жойлардаги учрашувлар ва очиқ мулоқотлар орқали изчил давом эттириб келаётганини таъкидлади. Шунингдек, бугунги тренингнинг асосий йўналиши тадбиркорлик фаолиятида мижозга йўналтирилган ёндашув, истеъмолчилар ҳуқуқлари ва ҳалол рақобат тамойилларини мустаҳкамлашдан иборат эканини қайд этди.

🤩 Тренингнинг асосий мақсади — тадбиркорларнинг истеъмолчилар ҳуқуқларини ҳимоя қилиш соҳасидаги ҳуқуқий билимини ошириш, истеъмолчилар билан қонуний, очиқ ва самарали муносабатларни шакллантириш ҳамда мижозлар ишончи ва содиқлигини компаниянинг узоқ муддатли ва барқарор ривожланишининг муҳим омили сифатида мустаҳкамлаш.
___

🇺🇿 🇩🇪 The international training on “Customer Loyalty and Consumer Rights as Key Drivers of Business Development”, organized by the Competition Committee with the support of the German Sparkassenstiftung, in cooperation with the Chamber of Commerce and Industry of Uzbekistan and the Commissioner for Protection of Rights and Legitimate Interests of Entrepreneurs, is currently underway.

👥 The training brings together nearly 100 representatives of businesses operating across various sectors, including trade, healthcare and pharmaceuticals, catering, housing construction, and digital services, along with local and international experts.

🪪 The event was opened by U. Davlatov, Deputy Chairman of the Committee. In his opening remarks, he highlighted that the Committee continues to maintain an open dialogue with businesses through the “Биз сизни эшитамиз” platform, regional meetings, and open discussions. He also emphasized that the key focus of the training is to strengthen customer-oriented approaches, consumer rights protection, and fair competition principles in business practices.

🤩 The main objective of the training is to enhance entrepreneurs’ legal knowledge of consumer rights protection, promote lawful, transparent, and effective relations with consumers, and strengthen customer trust and loyalty as key factors for the company’s long-term and sustainable development.

FACEBOOK|TELEGRAM |INSTAGRAM |X|YOUTUBE

#Эълон

🇺🇿 Жорий йилнинг 23 сентябрь куни Рақобат қўмитаси томонидан German Sparkassenstiftung ташкилоти кўмагида Савдо-саноат палатаси ҳамда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан ҳамкорликда “Бизнес ривожининг асосий омили – мижозга содиқлик ва истеъмолчилар ҳуқуқлари устуворлиги” мавзусида халқаро тренинг ўтказилиш режалаштирилган.

‼️ Тадбирдан мақсад — бизнес фаолиятида истеъмолчилар ҳуқуқлари устуворлигини таъминлаш ҳамда мижозга содиқликни шунчаки мажбурият эмас, балки истеъмолчи ишончи, садоқати ва компаниянинг узоқ муддатли фойдаси пойдевори сифатида қараш ёндашувини шакллантириш.

👥 Маҳаллий ва хорижлик экспертлар иштирокида бўлиб ўтадиган мазкур тадбирда қуйидагилар спикер сифатида иштирок этиши кутилмоқда:

➡️ Улуғбек Давлатов — Рақобат қўмитаси раиси ўринбосари;
➡️ Диёр Мирзаахмедов — Ўзбекистон Маркетинг уюшмаси бошқарув раиси;
➡️ Лиа Граубергер — German Sparkassenstiftung халқаро бизнес тренери;
➡️ Акмал Насриддинов — Marketbridge ҳамда Marketbridge Events компанияларининг асосчиси;
➡️ Анвар Абдуқаюм — “Toy bola” бренди асосчиси, Ўзбекистон бизнес ва саноат кенгаши раиси ва бошқалар.

🗓 Сана: 2026 йил 23 сентябрь
🕰 Бошланиш вақти: 09:00
📍 Манзил: Wyndham Tashkent меҳмонхонаси, Тошкент шаҳри

⚡️ Ушбу мавзуга қизиқиш билдирган тадбиркорлик субъектларини халқаро тренингда иштирок этишга таклиф қиламиз.
______
#Объявление

🇺🇿 🇩🇪 23 сентября текущего года Комитетом по развитию конкуренции и защите прав потребителей при содействии организации German Sparkassenstiftung, совместно с Торгово-промышленной палатой, а также Уполномоченным по защите прав и законных интересов субъектов предпринимательства планируется проведение международного тренинга на тему «Ключевой фактор развития бизнеса — клиентоориентированность и приоритет прав потребителей».

‼️ Цель мероприятия — обеспечение приоритета прав потребителей в предпринимательской деятельности, а также формирование подхода, при котором лояльность клиенту рассматривается не просто как обязанность, а как основа доверия потребителя, его приверженности и долгосрочной выгоды компании.

👥 На мероприятии, которое пройдёт с участием местных и зарубежных экспертов, в качестве спикеров ожидается участие следующих лиц:

➡️ Улугбек Давлатов — заместитель председателя Комитета по развитию конкуренции и защите прав потребителей;
➡️ Диёр Мирзаахмедов — председатель правления Ассоциации маркетинга Узбекистана;
➡️ Лия Граубергер — международный бизнес-тренер German Sparkassenstiftung;
➡️ Акмал Насриддинов — основатель компаний Marketbridge и Marketbridge Events;
➡️ Анвар Абдукаюм — основатель бренда «Toy bola», председатель Совета по бизнесу и промышленности Узбекистана, и другие.

🗓 Дата: 23 сентября 2026 года
🕰 Начало: 09:00
📍 Адрес: гостиница Wyndham Tashkent, город Ташкент

⚡️ Приглашаем субъектов предпринимательства, заинтересованных в данной теме, принять участие в международном тренинге.

FACEBOOK|TELEGRAM |INSTAGRAM |X|YOUTUBE

РАҚОБАТ ҚЎМИТАСИ ТИББИЙ ХИЗМАТЛАРНИ РЕКЛАМА ҚИЛАЁТГАН ТАДБИРКОРЛИК СУБЪЕКТЛАРИНИ РЕКЛАМА ҚОНУНЧИЛИГИ ТАЛАБЛАРИГА АМАЛ ҚИЛИШГА ЧАҚИРАДИ

🤩 Сўнгги вақтларда тиббий хизматлар рекламасида “касалликдан бир умрга халос қиламиз”, “мутлақо хавфсиз”, “3 кунда даволаймиз”, “ҳеч қандай ножўя таъсири йўқ”, “бизга келган беморларнинг барчаси соғайди” каби тиббий натижа, хавфсизлик ёки самарадорликни ошириб кўрсатувчи иборалардан фойдаланиш ҳолатлари кузатилмоқда.

✈️ Бунда, тиббий хизматлар рекламасида натижани кафолатловчи, мутлақ хавфсизликни ваъда қилувчи, қарши кўрсатмаларни инкор қилувчи, беморни натижа билан қониқтиришни ваъда қилувчи, организмнинг индивидуал хусусиятларини инкор қилувчи маълумотлардан фойдаланиш амалдаги қонунчиликни бузилишига олиб келиши мумкин.

📑 Бундан ташқари, тиббий фаолиятни амалга ошириш учун берилган лицензияда кўрсатиб ўтилмаган хизматларни реклама қилиш тақиқланади.

Ўзбекистон Республикасининг “Реклама тўғрисида”ги Қонунининг 16-моддасига мувофиқ, номақбул (ноаниқлиги, бир хил маъноли бўлмаганлиги, бўрттириб юборилиши, яшириб кетилиши, тарқатилиш вақти, жойи ва усулига нисбатан талабларнинг ҳамда қонунчиликда назарда тутилган бошқа талабларнинг бузилиши натижасида рекламадан фойдаланувчиларни чалғитадиган ёки чалғитиши мумкин бўлган) реклама тақиқланган.

‼️ Эслатиб ўтамиз: “Реклама тўғрисида”ги Қонуннинг 47 моддасига асосан, номақбул реклама берганлик, аксилрекламани беришни рад этганлик базавий ҳисоблаш миқдорининг етмиш баравари миқдорида жарима солишга сабаб бўлади.

Шунингдек, “Истеъмолчилар ҳуқуқларини ҳимоя қилиш тўғрисида”ги Қонуннинг 7 моддасига кўра, нотўғри реклама (ахборот) оқибатида сотиб олинган товар (иш, хизмат) туфайли истеъмолчига етказилган зарар ишлаб чиқарувчи (ижрочи, сотувчи) томонидан тўлиқ ҳажмда қопланиши лозимлиги белгиланган.

🤩 Рақобат қўмитаси тиббий хизматларни реклама қилаётган тадбиркорлик субъектларини рекламаларини амалдаги қонунчилик талабларига мувофиқлаштиришга, истеъмолчиларга нотўғри ва чалғитувчи маълумотлар беришдан тийилишга чақиради.

🖋 Қўмита томонидан тиббий хизматлар рекламаси соҳасида мониторинг ишларини тизимли олиб борилишини маълум қиламиз.

FACEBOOK|TELEGRAM |INSTAGRAM |X|YOUTUBE

👍👍👍👍👍👍  | 🔠🔠🔠🔠🔠🔠🔠

🇺🇿 Рақобат қўмитасининг ҳафталик дайжести.

FACEBOOK|TELEGRAM |INSTAGRAM |X|YOUTUBE

#Иқтибос

🔴 Ялпи ички маҳсулот ҳажми 2016 йилдаги 199,3 триллион сўмдан 2025 йил якунига келиб 1 849,7 триллион сўмга етди — иқтисодиёт ҳажми қарийб 9,3 баравар ошди.

✈️ "Рақобатни ривожлантириш – Янги Ўзбекистон ислоҳотларининг таянчи" мақоласидан.

FACEBOOK|TELEGRAM |INSTAGRAM |X|YOUTUBE

😀😁🥱🤨🤔😌
 
Рақобат қўмитаси томонидан “Centrum Air” компаниясининг Истанбул — Тошкент рейси кечикиши юзасидан ҳолат назоратга олиниб, ўрганиш ишлари олиб борилмоқда

🌐 Ижтимоий тармоқларда “Centrum Air” авиакомпаниясининг Истанбул — Тошкент йўналишидаги C6302 рейси 3 соатдан ортиқ вақтга кечиккани ва бу ҳолат йўловчиларнинг эътирозларига сабаб бўлгани" юзасидан хабарлар тарқалди.

✈️ Рақобат қўмитаси томонидан мазкур ҳолат, жумладан, рейс кечикиши вақтида йўловчиларга зарур ахборот ва тегишли хизматлар кўрсатилгани, шунингдек истеъмолчилар ҳуқуқлари таъминланганлиги бўйича тушган мурожаат юзасидан ўрганиш ишлари олиб борилмоқда.

✈️ Ўрганиш натижаларида қонун бузилиш ҳолатлари аниқланган тақдирда, Қўмита томонидан ўз ваколатлари доирасида тегишли таъсир чоралари қўлланилади.

🛡 Фуқаролар авиаташув хизматларидаги истеъмолчиларнинг ҳуқуқларига етарли даражада риоя этилмаслик ҳолатлари юзасидан Рақобат қўмитасининг 1159 ягона ишонч рақамига мурожаат қолдиришлари мумкинлигини маълум қиламиз.

✈️ Ушбу ўрганиш якунлари юзасидан, қўшимча маълумот тақдим этилади.

Маълумот ўрнида: Рақобат қўмитасига бугунги кунгача "Centrum Air" ва бошқа авиакомпаниялар хизматларидан норозилиги бўйича 270 дан ортиқ мурожаат келиб тушган бўлиб, амалдаги қоидаларга парвозларни амалга ошираётган авиакомпания айби билан белгиланган жадвалдан кечиктириб учиши ва/ёки белгиланган манзилга кечиктириб элтиб қўйганлиги учун, йўловчига пуллик компенсация миқдорини белгилаш ва тўлаш тартибини назарда тутувчи ўзгартириш ва қўшимчалар киритиш чораларини кўриш юзасидан Транспорт вазирлигига бир нечта кўрсатмалар берилган бўлиб, бугунги кунда истеъмолчилар ҳуқуқларини ҳимоясини таъминлаш бўйича қонунчиликни такомиллаштириш ишлари давом эттирилмоқда.

FACEBOOK|TELEGRAM |INSTAGRAM |X|YOUTUBE