Universitetimiz bitiruvchisi “Mardlik” ordeni bilan taqdirlandi

Parashaxmat bo‘yicha O‘zbekiston milliy terma jamoasi a’zosi Sirojiddin Zayniddinov3-Parashaxmat olimpiadasida muvaffaqiyatli qatnashgani va yosh avlodni vatanparvarlik ruhida tarbiyalashga qo‘shayotgan hissasi uchun “Mardlik” ordeni bilan taqdirlandi.

Sirojiddin Zayniddinov universitetimizda magistratura bosqichini Surdopedagogika mutaxassisligi bo‘yicha tamomlagan.

E’tiborlisi, uning magistrlik dissertatsiyasi parashaxmatni ilmiy tadqiq etishga bag‘ishlangan. U sportdagi faoliyatini ilmiy izlanishlari bilan uyg‘unlashtirib, parashaxmat yo‘nalishining rivojiga ham o‘z hissasini qo‘shib kelmoqda.

Universitet jamoasi Sirojiddin Zayniddinovni yuksak davlat mukofoti bilan samimiy muborakbod etadi va unga kelgusidagi sport hamda ilmiy faoliyatida yangi zafarlar tilaydi!

Biz ijtimoiy tarmoqlarda:
Veb-sayt | Telegram | Instagram | You Tube | Facebook