Mashg‘ulot davomida emotsional bosim tushunchasi, uning asosiy belgilari va psixologik oqibatlari batafsil tahlil qilindi. Shuningdek, stressli vaziyatlarni to‘g‘ri baholash, salbiy hissiy kechinmalarni boshqarish, o‘zini-o‘zi nazorat qilish hamda turli murakkab vaziyatlarda psixologik muvozanatni saqlash masalalariga alohida e’tibor qaratildi.
Treningning amaliy qismida ishtirokchilarning stressga chidamliligini oshirish, emotsional holatni muvozanatlashtirish, konstruktiv muloqot ko‘nikmalarini rivojlantirish hamda psixologik bosimlarga nisbatan to‘g‘ri munosabatni shakllantirishga qaratilgan turli mashq va topshiriqlar bajarildi.
Jarayon davomida ishtirokchilar o‘zaro fikr almashib, xizmat faoliyatida yuzaga kelishi mumkin bo‘lgan turli psixologik vaziyatlarni muhokama qildi. Bunday holatlarda hissiyotlarni nazorat qilish, vaziyatga xolis baho berish va to‘g‘ri qaror qabul qilishning samarali usullari yuzasidan mutaxassislarning tavsiyalarini oldi.
👉@mudofaalive