HA @mv_univer
Mudofaa vazirligi tizimida yangi tashkil etilgan harbiy-kasbiy tayyorgarlik kurslari davomida tinglovchilar bo‘linmalarni boshqarish, jangovar tayyorgarlikni tashkil etish hamda mutaxassislik yo‘nalishlari bo‘yicha nazariy va amaliy bilimlarini mustahkamladilar.
Tadbir yakunida yakuniy sinovlarni muvaffaqiyatli topshirgan ofitserlarga sertifikatlar tantanali ravishda topshirildi. So‘zga chiqqanlar bitiruvchilarni erishilgan natijalar bilan muborakbod etib, ularga kelgusi xizmat faoliyatida muvaffaqiyatlar tiladilar.
Ta’kidlanganidek, bunday kurslar ofitserlarning kasbiy salohiyatini oshirish, zamonaviy talablar asosida bo‘linmalarni boshqarish ko‘nikmalarini rivojlantirish hamda qo‘shinlarning jangovar tayyorgarligini yanada yuksaltirishda muhim ahamiyat kasb etadi.
Harbiy xavfsizlik va mudofaa universiteti kursantlari ishtirokida sportning bir qator turlari bo‘yicha yuqori natijalar qayd etildi.
Xususan, kursantlar Bahodirlar o‘yinlari va tosh ko‘tarish bo‘yicha O‘zbekiston chempionatida umumjamoa hisobida 1-o‘rin, shuningdek, qo‘l jangi bo‘yicha Toshkent shahar ochiq chempionatida 2-o‘rinni qo‘lga kiritdilar.
Musobaqalarda munosib natija ko‘rsatgan kursantlar Universitet boshlig‘ining birinchi o‘rinbosari tomonidan faxriy yorliq va esdalik sovg‘alari bilan taqdirlandilar.
Bu kabi yutuqlar kursantlarning jismoniy tayyorgarligi, irodasi va sportdagi mahorati yuksalib borayotganidan dalolat beradi.
Forwarded from Mudofaa vazirligi rasmiy kanali
Forwarded from Mudofaa vazirligi rasmiy kanali
