1000KITOB

Jamoaga 140 nafar volontyor saralab olindi

Avvalroq 1000KITOB loyihasi volontyorlik dasturiga nomzodlar qabuli e’lon qilingan edi.

Dastur doirasida respublikaning barcha hududlaridan 580 ta so‘rovnoma kelib tushdi. Nomzodlarning dasturda ishtirok etishdan ko‘zlagan maqsadi, kitob va mutolaaga munosabati, tarjima, media hamda kitob targ‘iboti yo‘nalishlaridagi tajriba va ko‘nikmalari, shuningdek, volontyorlik faoliyatiga ajrata oladigan vaqti inobatga olinib, so‘rovnomalar batafsil o‘rganib chiqildi.

Saralash yakunlariga ko‘ra, dastlabki bosqichda 140 nafar volontyor tanlab olindi.

Volontyorlarning bir qismi bilan 1000KITOB loyihasi ofisida uchrashuv tashkil etildi. Unda dastur doirasidagi ustuvor yo‘nalishlar, volontyorlar jalb etiladigan jarayonlar va kelgusidagi vazifalar haqida ma’lumot berildi.

Aziz volontyorlar, jamoamizga xush kelibsiz!

Telegram | Facebook | Instagram | YouTube

#charx

Falsafani tushunish uchun faylasuf bo‘lish shartmi?

“Charx”ni aylantiramiz. Bu gal Eduard Kreygning “Falsafa. O‘ta qisqa tanishtiruv” kitobi yuzasidan fikrlashamiz. Suhbatdoshimiz – iqtisodchi, auditor Jamshid Muslimov.

Kitobni ko‘rsatilgan 300 dan ortiq muassasadan yoki Mutolaa ilovasi orqali ham o‘qish imkoniga egasiz. Hali o‘qimagan bo‘lsangiz, “Charx”gacha vaqt bor. Ulgurasiz!

28-sentabr, soat 19:00 da Founders Cafeda kutamiz.

Mo‘ljal: Yoshlar ishlari agentligi

Telegram | Facebook | Instagram | YouTube

Qo‘lingiz tekkan har bir narsa oltinga aylansa, bu boylikmi?

Shoh Midasning orzusi nega uning eng katta xatosiga aylandi?

“Iqtisodiyotning muxtasar tarixi” kitobi tarjimoni Yorqinjon Haydarov Midas xatosi orqali iqtisodiyotdagi qiymat tushunchasiga izoh beradi.

Havola | Batafsil

Telegram | Facebook | Instagram | YouTube

Shaharni piyoda kezib ko‘rganmisiz?

Bugun Xalqaro avtomobilsiz kun. Shu sana munosabati bilan 1000kitob loyihasi doirasida nashrga tayyorlanayotgan bir asarni eslatib o‘tmoqchimiz.

Jeff Spekning “Piyodabop shahar” (“Walkable City”) kitobi shaharsozlik mavzusidagi eng mashhur asarlardan biri. U 2012-yili bosmadan chiqqach, o‘n yil ichida shaharsozlik bo‘yicha eng ko‘p sotilgan kitobga aylangan, 7 tilga tarjima qilingan va Green Prize for Sustainable Literature mukofotiga sazovor bo‘lgan.

Kitobning qayta nashrida esa unga 100 sahifadan ortiq yangi material va 8 ta yangi bob qo‘shilgan. Ularda muallif uy-joy tengligi, pandemiya, Uber kabi xizmatlar, haydovchisiz avtomobillar va shahar daraxtzorlari kabi mavzularga to‘xtalgan.

Spek piyodaboplikni shahar hayotining ko‘plab jihatlari bilan bog‘lab tushuntiradi. Piyoda yurish qulay bo‘lgan hududlar yoshlar va ijodkor insonlarni ko‘proq jalb qiladi, avtomobilga ehtiyojning kamayishi oilalarning transport xarajatlarini tejaydi, ko‘chalardagi faollik esa mahalliy iqtisodiyotga ham ta’sir qiladi.

Muallifning fikricha, odamlar sizning shahringizga keladimi yoki boshqasini tanlaydimi, degan savolning javobi ko‘p jihatdan shaharning piyodalar uchun qanchalik qulayligiga bog‘liq.

Asar Amerika shaharlari misolida yozilgan. Lekin undagi savollar o‘zi yashayotgan hudud qanday rivojlanayotgani, ko‘chalar kim uchun va qanday qurilayotgani bilan qiziqqan har bir kitobxonni befarq qoldirmaydi.

Kitob o‘zbek tilida tez orada nashrdan chiqadi va ishonamizki, piyoda kezishni xush ko‘radigan kitobxonlar uchun munosib tuhfa bo‘ladi.

Telegram | Facebook | Instagram | YouTube

‼️ Ming yil avvalgi shaxmatdan bugungi o‘yingacha

Samarqandda 46-Butunjahon shaxmat olimpiadasida Oʻzbekiston va Hindiston uchrashuvi turnirning eng kutilgan oʻyinlaridan biri sanaladi.

Bu ikki tomon ming yil muqaddam ham uchrashgan, desak nima deysiz? Qomusiy olim Abu Rayhon Beruniy “Hindiston”ni yozar ekan, hind shaxmatini alohida tasvirlaydi: “Bu xil oʻyin bizlarga tanish boʻlmaganidan shu toʻgʻrida bilganimni bayon qilaman”.

Eng qizigʻi – donalarning yurishi bizdagidan teskari. Beruniy yozishicha, u yerda rux “bizdagi fil harakati singari” qiyalama uchinchi xonaga yuradi, fil esa “ruxning maʼlum harakati singari toʻgʻriga” boradi.

Hind taxtasidagi fil haqida boshqa izoh bor: u piyodadek bir xona oldinga, soʻng toʻrt burchakdan biriga bir xona yuradi – “bu xonalar filning xartumi va toʻrt oyogʻi uchlari tushadigan oʻrinlardir”, deyishadi.

Ming yil avval kitob sahifalariga tushgan shaxmat tarixi bugun ko‘z o‘ngimizda davom etmoqda. Ayni daqiqalarda 46-Butunjahon shaxmat olimpiadasida O‘zbekiston va Hindiston jamoalari bir taxta qarshisida.

🔴 Jonli efir

Shaxmatchilarimizga bugungi muhim o‘yinda muvaffaqiyat tilaymiz!

Telegram | Facebook | Instagram | YouTube

#maxzan

Eduard Kreygning “Falsafa: O‘ta qisqa tanishtiruv” kitobi atrofidagi mulohazadan bir parcha:

Fridrix Nitsshe faylasufni “hech kim himoyalana olmaydigan dahshatli portlovchi modda”ga qiyoslaganida, ehtimol, fikrning ana shu bezovta qiluvchi xususiyatini ham nazarda tutgandir. Chin fikr odamni tinch qo‘ymaydi. Buning ortidan esa og‘ir intellektual mehnat boshlanadi.

Nega falsafa kerak? U safsatami? Yuz yil avval aytilgan fikr bugun ham dolzarb bo‘lsa, bundan faxrlanish kerakmi yoki xavotirlanish?

“Ayla basirat ko‘zi birla nazar” | Batafsil

Telegram | Facebook | Instagram | YouTube

😊 5 kun o‘zingiz xohlagan kitobni eng kamida 5 daqiqadan o‘qing — iPhone 17 Pro Max yutib oling!

• “Mutolaa” loyihasi doirasida “Omadli mutolaa” tanlovga start beramiz. Unga ko‘ra, siz o‘zingiz xohlagan kitobni ilovamiz orqali 5 kun ketma-ket kamida 5 daqiqa o‘qing va siz tanlov ishtirokchisiga aylanasiz.

🔥 Mana shu shartni bajargan kitobxonlar orasidan 1 kishiga 25-sentyabr kuni iPhone 17 Pro Max sovg‘a qilamiz!

✅ Sharti: 25-sentyabrgacha 5 kun davomida kamida 5 daqiqadan xohlagan kitobingizni o‘qishingiz kerak, bo’ldi. 25-sentyabr kuni jonli efir qilib, random orqali iPhone 17 Pro Max egasini aniqlaymiz.

Mutolaa ilovasini yuklab oling

Ma’nolar mustaqilligi...

Eng zo‘r format allaqachon yaratilgan!

Telegram | Facebook | Instagram | YouTube

#havola

Biz xabarga ishonamizmi yoki uni yuborgan odamga?

Ayniqsa, oilaviy yoki qarindoshlar guruhida yaqin inson yuborgan xabarni shubha ostiga olish qiyin. Nega shunday? Bu odatimiz ortida qanday psixologiya bor?

Batafsil: https://youtu.be/HzJ6FKDVhqI?si=8eI-_dwaGqHSrut6

Albatta videoni qarindoshlar guruhiga ham yuborib qo‘ying!

Telegram | Facebook | Instagram | YouTube