"Sansora Uğrayan Sansor"

Kağızlardan küsən sözlər şüarlara dönüşüb, duvarlarda qabarır. Duvarlarda qabaran şüarlar saymazcasına yoldan ötən insanların gözlərinə zillənib, saymazlığı mümkünsüzləşdirərək, bayağılaşdırılmış həyatın simlərini boşaldır.

Göründüyü kimi, iqtidar münasibətləri həyatın bütün sahələrini bayağılaşdırmadan həyata keçirilə bilmir. Bu üzdən, duvarları yıxacaq ölçüdə güclü olmayan iqtidar, şüarları duvarlardan qaldırmağa çalışır. Şüarlar qaralanır.
Qaralamaq iqtidarın gülünc üzünü açığa çıxarır. Şüarların üzərinə yaxılan qaralar, iqtidarın bütün insanların anlaya biləcəyi şüarına dönüşüb, yenidən həyatın bayağılaşdırılmasına qarşı çıxır: Duvarlar artıq gündə gördüyümüz duvarlar deyil, çılpaq sansoru insanların gözünə soxan tablolardır.

Bildiyimiz kimi, iqtidar özünü gündəlik həyatda əritmədən, özünü görünməz qılıb təbiət kimi sərgiləmədən, artıq sürəkli qala bilməz. Deməli, iqtidar sansor şüarını duvarların tablosunda sərgiləyirsə, gövşək bir vəziyyətdədir. İqtidarın gözündə, bu məsələ aradan qaldırılmalıdır.

İştə, qaralanmış duvarların yenidən başqa boyalarla boyanmasının səbəbi də budur: Sansor özü sansora uğramalıdır.

#TürkcəYaz

@Kritike