#UstozVaMurabbiylarKuni #BayramTadbiri

USTOZLARGA EHTIROM — EZGU AN’ANA

🇺🇿 Bugun Muhammad al-Xorazmiy nomidagi ixtisoslashtirilgan maktabda 1-oktabr — Ustoz va murabbiylar kuni munosabati bilan “Ustozga ehtirom” nomli tantanali tadbir tashkil etildi.

💫 Tadbir davomida Drama to‘garagi ishtirokchilari tomonidan ustoz va murabbiylarni madh etuvchi she’rlar, dilbar qo‘shiqlar va raqslar ijro etildi. Ayniqsa, “Zumrad va Qimmat” ertagining zamonaviy talqindagi sahna ko‘rinishi tadbirga o‘zgacha ko‘tarinki ruh bag‘ishladi.

💐 Tadbirda maktab rahbari F.B. Ismailov so‘zga chiqib, barcha ustoz va murabbiylarni kasb bayrami bilan samimiy muborakbod etdi hamda ularning sharafli va mas’uliyatli mehnatiga yuksak ehtirom bildirdi. Shuningdek, kasaba uyushmasi tomonidan maktab jamoasidagi barcha ustoz va xodimlarga bayram munosabati bilan esdalik sovg‘alari topshirildi.

👨‍🏫 Ustoz — qalblarga ziyo, kelajakka yo‘l ko‘rsatuvchi buyuk siymo. Ularning zahmatli va sharafli mehnati har qanday e’tirofga munosibdir! Maktab ravnaqi yo‘lida fidokorona mehnat qilayotgan barcha ustoz va murabbiylarga mustahkam sog‘lik, kuch-g‘ayrat va ulkan muvaffaqiyatlar tilaymiz!
_
🌐Telegram 🌐Facebook 🌐Instagram 🌐Web 🌐Youtube 🌐Linkedin