Синамо, меҳргон ва пайванди фарҳангҳо: меҳмонони ВГИК дар Душанбе

Имрӯз ҳайати устодону донишҷӯёни Донишкадаи давлатии умумируссиягии кинематография (ВГИК), ки барои иштирок дар сеюмин Синамоҷашнвораи миллии «Тоҷи Сомон» ба Тоҷикистон омадаанд, дар Донишкадаи давлатии фарҳанг ва санъати Тоҷикистон ба номи Мирзо Турсунзода истиқбол гирифта шуданд.

Ташрифи меҳмонон ба таҷлили ҷашни бостонии Меҳргон рост омад. Устодону донишҷӯёни донишкада бо пешниҳоди барномаи фарҳангӣ меҳмонони русиягиро бо суннату анъанаҳо ва расму оинҳои мардуми тоҷик шинос карданд. Ҳайати ВГИК ҳамчунин бо гурӯҳи донишҷӯёни тоҷик, ки дар ин муассисаи бонуфузи синамоии Русия таҳсил мекунанд, ба Тоҷикистон омадааст.

Дар доираи сеюмин Синамоҷашнвораи миллии «Тоҷи Сомон», ки рӯзҳои 15–20 октябр баргузор мегардад, устодони ВГИК баргузории як қатор дарсҳои маҳоратро (мастер-классҳо) дар соҳаи синамо ба нақша гирифтаанд.

📱 Обуна шавед — Ҳамдастӣ
📱Ба Тик Токи мо обуна шавед