Туркия: Дар Станбул бар асари боронҳои шадид дарсҳо лағв, ҳаракати нақлиёт маҳдуд, барои занҳои ҳомила, кӯдакони хурддошта ва маъюбон рӯзи ғайрикорӣ эълон гардид

Мақомоти шаҳри Станбули Туркия ба далели боронҳои шадид ва хатари обхезӣ барои 14 октябр дар мактабҳои шаҳр дарсҳоро лағв карданд. Дар ин бора губернатории Станбул хабар додааст. Ҳамчунин, 15 октябр барои занони ҳомила, шахсони дорои маъюбият, ки дар муассисаҳои давлатӣ кор мекунанд, инчунин кормандзаноне, ки кӯдакони то ҳаштсола доранд, рӯзи истироҳат эълон шудааст.

Тибқи қарори мақомот, аз соати 21:00-и 14 октябр ба вақти маҳаллӣ ҳаракати мотосиклҳо ва дигар воситаҳои нақлиёти дучарха дар шаҳр манъ карда мешавад. Барои рӯзи панҷшанбе дар Станбул сатҳи зардии хатари обу ҳаво эълон гардидааст. Тибқи пешгӯии ҳавошиносон, боронҳои шадид то охири рӯзи 15 октябр идома ёфта, эҳтимоли обхезии такрорӣ, селфароӣ ва халалдор шудани фаъолияти нақлиёт ва инфрасохтор вуҷуд дорад.

Боришоти шадид дар Станбул аз шоми 13 октябр оғоз шуда, боиси зери об мондани як қатор минтақаҳои шаҳр ва мушкилот дар ҳаракати нақлиёт ва фаъолияти фурудгоҳҳо гардидааст.

📱 Обуна шавед — Ҳамдастӣ
📱Ба Тик Токи мо обуна шавед