Чаро нархи гӯшт дар бозорҳои Суғд баланд шуд: чорво кам ё хӯрокаш?
 
Нархи гӯшт, дар бозору қассобхонаҳои Суғд, тайи чанд рӯзи охир боло рафтааст. Бино ба нархномае, ки аксари дуконҳои гӯштфурӯшӣ тартиб додаанд, як кило гӯшти лаҳм 130 – 135 сомонӣ ва гӯшти устухондор ба 100 - 110 сомонӣ баробар шудааст.
 
Аксари қассобҳо, боландшавии нархро инкор намекунанд. Онҳо сабаби болоравии нархи гӯштро ба чанд омил шарҳ медиҳанд. Бино ба мушоҳидаҳо, давоми як ду моҳи охир, нархи чорво ҳам то 10 дарсад баланд шудааст.
 
Барои мисол, агар вазни зиндаи чорво чанд вақт пеш 56 – 58 сомонӣ ҳисоб мешуд, ҳоло ба 60 – 65 сомонӣ баробар шудааст. Дар ҳамин ҳол, онҳое, ки ба парвариши чорво машғуланд, сабаби ин вазъро ба гароншавии арзиши хӯроки чорво нисбат медиҳанд. Ба гуфти сокинон ҳоло қимати як кило кунҷора – ғизои аслӣ барои фарбеҳ кардани чорво ба 4 – 5 сомонӣ дакка задааст.

📱 Обуна шавед — Ҳамдастӣ
📱Ба Тик Токи мо обуна шавед