Лоиқ Раҷабов ҷароҳат бардошт ва муҳорибааш бо Николай Алексахин дар Душанбе бекор шудааст

Лоиқ Раҷабов, размикори 36-солаи тоҷик (18-6-1), вақти тамрин ҷароҳат бардоштааст ва ҳамакнун муҳорибааш бо Николай Алексахин, размикори рус дар шаҳри Душанбе баргузор нахоҳад шуд.

Дар ин бора телевизиони “Варзиш” хабар дода, гуфт, ки Раҷабов аз дасташ захм бардошта, дирӯз, 14-уми октябр, ҷарроҳӣ шудааст.

“Ба ин тартиӣ, рақобати размкорамон муқобили Николай Алексахин дар мусобиқаи “ACA Dushanbe” лағв гардид”, - навиштааст ин расона.

Қарор буд ин мубориза рӯзи 31-уми октябр дар доираи ташкилоти “ACA” дар пойтахти Тоҷикистон баргузор шавад.

📱 Обуна шавед — Ҳамдастӣ
📱Ба Тик Токи мо обуна шавед