🎬 Имрӯз Рӯзҳои кинои Эрон дар Тоҷикистон оғоз мешаванд

Имрӯз, 15 октябр, соати 17:00 дар кинотеатри «Наврӯз»-и шаҳри Душанбе филми эронии «Дар оғӯши дарахт» ба намоиш гузошта мешавад. Ҳамчунин, дар доираи ин чорабинии фарҳангӣ филмҳои «Сипеҳри Эрон» ва «Қиморбоз» низ пешкаши тамошобинон мегарданд.

Дар чорабинӣ роҳбарони баландпояи соҳаи синамои Тоҷикистон ва Эрон, Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон ва дигар намояндагони барҷастаи фарҳангии ин кишвар иштирок менамоянд.

Синамоҷоизаи миллии «Тоҷи Сомон» барои муаррифии дастовардҳои синамои миллӣ ва байналмилалӣ, густариши робитаҳои фарҳангӣ ва таҳкими ҳамкориҳои эҷодӣ миёни синамогарони кишварҳои дӯст заминаи мусоид фароҳам меорад. Рӯзҳои кинои Эрон низ имкон медиҳанд, ки тамошобинони тоҷик бо синамои муосири ин кишвар, арзишҳои фарҳангӣ ва таҷрибаи эҷодии филмсозони эронӣ бештар шинос шаванд.

Обуна шавед — Ҳамдастӣ
📱Ба Тик Токи мо обуна шавед