Чаро "IRS" ба захираи он таваҷҷуҳи хоса зоҳир менамояд?

Филиали Ширкати саҳомии «Инновейтив Роуд Солюшнз ЛТД» барои таъмини ҳаракати бехатари воситаҳои нақлиёт дар роҳи Душанбе–Чаноқ дар мавсими тирамоҳу зимистони солҳои 2026–2027 чораҳои зарурӣ меандешад. Феълан 242 техникаю механизми махсус барои фаъолияти мунтазам дар шароити зимистон омода гардидаанд. Ҳамзамон намояндагиҳои ширкат бо захираи сӯзишвории дизелӣ ва маводи зиддилағзиш таъмин гардида, раванди захиракунӣ идома дорад. Инчунин кормандони ширкат бо сару либоси зимистона таъмин шуда, барои фароҳам овардани шароити мусоиди корӣ дар нуқтаҳои фаъолият ангишту ҳезум ба миқдори зарурӣ дастрас шудааст.

Дар ин раванд аз ҷониби роҳбарияти "IRS" ба захираи маводи зиддилағзиш таваҷҷуҳи хоса зоҳир шуда истодааст. Зеро дар мавсими сармо, бо назардошти шабонарӯзӣ бо ин намуди мавод коркард шудани роҳ талабот ба он меафзояд. Биноан, то имрӯз дар намояндагиҳои Варзоб 3700 тонна, Зарафшон 3500 тонна ва Суғд 4700 тонна маводи зиддилағзиш захира гардидааст.

Таъсис додани даҳҳо нуқтаҳои захираи маводи зиддилағзиш дар масири Душанбе - Чаноқ ҷузъе аз ибтикори марбут ба омодагии филиали ширкат ба мавсими сармо буда, дар сатҳи хубу сифати баланд роҳандозӣ шудани фаъолият самараи чунин тадбирандешӣ аст.

📱 Обуна шавед — Ҳамдастӣ
📱Ба Тик Токи мо обуна шавед