“Тоҷикфилм” ва бахши робитаҳои фарҳангии Британия ҳамкориҳоро дар соҳаи фарҳанг ва синамо баррасӣ карданд
 
Дар «Тоҷикфилм» мулоқоти мудири муассиса Маҳмадсаид Шоҳиён бо мудири бахши робитаҳои таълимӣ, фарҳангӣ ва касбии Шурои Британия (British Council) Майкл Холгейт баргузор гардид.
 
Зимни мулоқот масъалаҳои густариши ҳамкориҳои фарҳангӣ, омӯзиши забони англисӣ, табодули таҷрибаи касбӣ ва таҳкими робитаҳои тахассусӣ миёни Британияи Кабир ва кишварҳои Осиёи Марказӣ, аз ҷумла Ҷумҳурии Тоҷикистон, мавриди баррасӣ қарор гирифтанд.
 
Ҷонибҳо доир ба имкониятҳои рушди ҳамкориҳои муштарак дар самти синамо, ҷалби мутахассисон ба барномаҳои омӯзишӣ, баргузории чорабиниҳои фарҳангӣ ва фароҳам овардани шароит барои табодули таҷрибаи эҷодӣ ибрози назар карданд.
 
Таъкид гардид, ки рушди ҳамкориҳои фарҳангӣ ва касбӣ метавонад ба густариши робитаҳои байналмилалӣ, баланд бардоштани маҳорати мутахассисони соҳаи кино ва муаррифии фарҳангу ҳунари миллӣ дар арсаи байналмилалӣ мусоидат намояд.

📱 Обуна шавед — Ҳамдастӣ
📱Ба Тик Токи мо обуна шавед