Тоҷикистон дар соли ҷорӣ бештар аз Беларус гӯшт ворид кардааст

Дар нуҳ моҳ (январ – сентябр)-и соли равон Тоҷикистон ба маблағи қариб 84 млн доллар 21,4 ҳазор тонна гӯшт ва маҳсулоти иловагии гӯштӣ ворид кардааст, ки нисбат ба як соли пеш $31,6 млн ва 60,3% зиёд аст. Аз ҳама бештар аз Беларус ба кишвари мо гӯшт ворид шудааст: ба маблағи $22,4 млн.

Хадамоти гумруки кишвар хабар медиҳад, ки ҳаҷми гӯште, ки аз Белорус ворид шуд, 26%-и ҳаҷми умумии воридоти гӯшт ва маҳсулоти иловагии гӯштиро аз рӯи арзиши пулӣ ташкил медиҳад.

Дар ҷойи дуюм, Қазоқистон қарор дорад, ки аз ин кишвар ба маблағи $16,2 млн маҳсулоти гӯштӣ ворид шудааст. Пас аз он, Украина, Покистон ва Ӯзбекистон ҷой гирифтаанд.

📱 Обуна шавед — Ҳамдастӣ
📱Ба Тик Токи мо обуна шавед