Қариб 400 ҳазор сомонӣ ҷаримаи сокинону корхонаҳои давлатии Суғд барои сӯзонидани партовҳо
 
Дар вилояти Суғд қариб 600 нафарро барои сӯзонидани партовҳо, аз ҷумла хазон ҷазо додаанд. Манбаъ гуфт, дар 9 моҳи имсол барои риоя накардани талаботи ҳифзи ҳавои атмосфера ҳангоми ҷамъовариву сӯзонидани партовҳо ва риоя накардани қоидаҳои ҳифзи муҳити зист (моддаҳои 231 ва 223 КҲМ) нисбати 842 кас протоколи ҳуқуқвайронкунии маъмурӣ тартиб дода шуда, сокинон ва масъулини муассисаҳои давлатӣ 364 ҳазору 26 сомонӣ ҷарима шудаанд.
 
Қаюмов афзуд, ки аз 842 протокол, 590 адад барои дар ҳавои кушод сӯзонидани масолеҳи бинокорӣ, партовҳои маишӣ, хасу хасрубаҳо тартиб дода шуда, ҳаҷми ҷарима 230 ҳазору 100 сомонӣ мебошад. Аз ин миқдор то имрӯз беш аз 200 ҳазор сомонӣ рӯёнида шудааст.
 
Ба иттилои манбаъ, 253 протоколи дигар барои риоя накардани қоидаҳои ҳифзи муҳити зист тартиб дода шуда, ҳаҷми ҷарима 133 ҳазору 926 сомниро ташкил додааст.

📱 Обуна шавед — Ҳамдастӣ
📱Ба Тик Токи мо обуна шавед