Имрӯз вакилони порлумонҳои кишварҳои минтақа дар Душанбе бо ҳам машварат мекунанд
 
Муколамаи чоруми минтақавии парлумонӣ дар Осиёи Марказӣ, ки 12-13 октябри соли 2026 дар Душанбе, Тоҷикистон баргузор мегардад, вакилони парлумони Қазоқистон, Қирғизистон, Тоҷикистон, Туркманистон ва Ӯзбекистон, инчунин намояндагони Ҳукумат, Иттиҳоди Аврупо, бизнес, соҳибкорон, муассисаҳои молиявӣ, шарикони рушд ва коршиносони иқтисоди давриро ба ҳам меорад.
 
Ин чорабинӣ аз ҷониби Барномаи “SWITCH-Asia” – Қисмати дастгирии сиёсат (PSC), Маркази минтақавии экологӣ барои Осиёи Марказӣ (CAREC) ва Парлумони Ҷумҳурии Тоҷикистон, бо дастгирии Намояндагии Иттиҳоди Аврупо дар Тоҷикистон ташкил карда мешавад. Бар асоси се муколамаи қаблии минтақавӣ, дар ҷаласаи Душанбе гузариш аз ҳадафҳои сиёсӣ ба амал тавассути тақвияти робитаҳо байни иқтисоди даврӣ, амалҳои иқлимӣ ва сармоягузорӣ барраси мегардад.
 
Ин муколама инчунин рӯзномаи иқтисоди даврии минтақавиро бо ташаббуси Иттиҳоди Аврупо “Global Gateway”, Саҳмҳо дар сатҳи миллӣ муайаншудаи 3.0 (NDC 3.0) ва Стратегияҳои декарбонизатсия ва рушди сабзро пайваст мекунад ва меомӯзад, ки чӣ гуна сиёсати давлатӣ, навовариҳои соҳибкорӣ ва молия метавонанд барои васеъ намудани роҳҳои ҳалли даврӣ ва оқилонаи иқлим якҷоя амал кунанд.

📱 Обуна шавед — Ҳамдастӣ
📱Ба Тик Токи мо обуна шавед