Дар Бадахшон боз як неругоҳи хуршедӣ фаъол гашт
 
Дар деҳаи Рожи ноҳияи Шуғнони Вилояти Мухтори Кӯҳистони Бадахшон неругоҳи нави барқи хуршедӣ бо иқтидори 3 мегаватт ба истифода дода шуд. Ин иншоот дар охири моҳи сентябр аз ҷониби Президенти Тоҷикистон Эмомалӣ Раҳмон ба таври фосилавӣ ифтитоҳ гардид.
 
Неругоҳро ширкати ТГЭМ дар доираи ҳамкориҳои Тоҷикистон ва Кореяи Ҷанубӣ бунёд кардааст. Корҳои сохтмонӣ моҳи июни соли 2025 оғоз шуда, дар давоми тақрибан як сол ба анҷом расидаанд.
 
Неругоҳ дар баландии 2600 метр аз сатҳи баҳр, дар масоҳати 4 гектар ҷойгир буда, аз 4752 панели офтобӣ ва таҷҳизоти муосири захиракунии неруи барқ иборат аст. Он ҳамчунин бо системаи идоракунии фосилавӣ муҷаҳҳаз мебошад, ки имкон медиҳад фаъолияти неругоҳ аз масофаи дур назорат карда шавад.
 
Ба гуфтаи масъулон, ҳадафи асосии ин лоиҳа беҳтар намудани таъминоти барқ дар Бадахшон, баланд бардоштани эътимоднокии шабакаи энергетикӣ ва истифодаи бештари неруи тозаи хуршедӣ мебошад.  

📱 Обуна шавед — Ҳамдастӣ
📱Ба Тик Токи мо обуна шавед