Ҷоизаи 60 ҳазордоларӣ дар мусобиқаи байналмилалии шоҳмот дар Душанбе

Аз 9 то 17 ноябр дар меҳмонхонаи «Истиқлол»-и шаҳри Душанбе дувумин Ҷоми Президенти Тоҷикистон оид ба шоҳмот бо сандуқи ҷоизавии 60 ҳазор доллар баргузор мегардад. Ба иттилои Федератсияи шоҳмоти Тоҷикистон, дар ин мусобиқа гроссмейстерҳо, устодони байналмилалӣ ва шоҳмотбозони ҷавон аз кишварҳои гуногун дар ду гурӯҳ (гурӯҳи А - рейтинги 2200 ва болотар, гурӯҳи B - рейтинги 2199 ва поёнтар) рақобат мекунанд.

Соли гузашта дар ин мусобиқа беш аз 230 шоҳмотбоз аз 16 кишвар ширкат дошта, ғолиби гурӯҳи А гроссмейстери ҳиндӣ Пранав Ананд гардида буд.

📱 Обуна шавед — Ҳамдастӣ
📱Ба Тик Токи мо обуна шавед