Ҳизби ҳокими халқӣ демократии Тоҷикистон дар бозори "Панҷшанбе"-и Хуҷанд пӯшидани либоси миллиро тарғиб мекунад

Дар бозори «Панҷшанбе»-и шаҳри Хуҷанд кормандони Кумитаи иҷроияи Ҳизби Халқии Демократии Тоҷикистон дар шаҳри Хуҷанд бо сокинон ва тоҷирон оид ба риояи фарҳанги либоспӯшӣ ва ҳифзи арзишҳои миллӣ суҳбатҳои фаҳмондадиҳӣ гузарониданд.

Тибқи иттилои нашршуда, намояндагони ҳизб, аз ҷумла масъулони шуъбаи кор бо занон, мардумро ба пӯшидани либосҳои миллӣ, эҳтироми расму оинҳои тоҷикӣ ва худдорӣ аз тақлид ба тарзи либоспӯшии бегона, ки ба гуфтаи онҳо ба арзишҳои миллӣ мувофиқат намекунад, даъват карданд.

Ҳамзамон, ба шаҳрвандон варақаҳои иттилоотӣ тақсим гардида, таъкид шуд, ки чунин корҳои фаҳмондадиҳӣ минбаъд низ идома хоҳанд ёфт.

📱 Обуна шавед — Ҳамдастӣ
📱Ба Тик Токи мо обуна шавед