Фестивали таомҳои миллӣ, ҳунарҳои мардумӣ, намоиши маҳсулоти саноатию кишоварзӣ ва барномаи бошукӯҳи фарҳангии устодони санъати давлатҳои иштирокдори ИДМ дар Туркманистон

Тоҷикистон дар Аваза фарҳанги миллӣ ва ҳунарҳои мардумиро муаррифӣ мекунад. Дар минтақаи сайёҳии Авазаи Туркманистон рӯзҳои 7–8 октябр Фестивали хӯрокҳои миллӣ ва барномаи фарҳангии кишварҳои узви ИДМ баргузор мегардад.

Тоҷикистон дар ин чорабинии байналмилалӣ бо пешниҳоди намунаҳои фарҳанги миллӣ, таомҳои суннатӣ, ҳунарҳои мардумӣ, либосҳои анъанавӣ, сӯзанидӯзӣ ва созҳои мусиқии миллӣ иштирок мекунад.

Дар доираи барномаи фарҳангӣ ҳунармандони тоҷик бо суруду мусиқӣ ва рақсҳои миллӣ баромад намуда, ба меҳмонон фарҳанги қадима, санъати асил ва анъанаҳои неки мардуми тоҷикро муаррифӣ хоҳанд кард.

Иштироки Тоҷикистон дар чунин чорабиниҳои байналмилалӣ барои муаррифии мероси фарҳангӣ, рушди робитаҳои фарҳангӣ ва тарғиби имкониятҳои сайёҳии кишвар дар арсаи ҷаҳонӣ аҳамияти муҳим дорад.

 Ҷузъиёти бештарро дар навор аз вазорати фарҳанги Тоҷикистон бубинед:

📱 Обуна шавед — Ҳамдастӣ
📱Ба Тик Токи мо обуна шавед