Имрӯз дар баъзе роҳҳои Душанбе ҳаракати нақлиёт муваққатан маҳдуд мешавад

Имрӯз, 9 октябр, аз соати 14:00 то 16:00 ҳаракати воситаҳои нақлиёт тавассути хиёбони Рӯдакӣ ва кӯчаҳои Садриддин Айнӣ, Абдулаҳад Дониш ва М. Мастонгулов муваққатан маҳдуд карда мешавад.

Дар ин бора Раёсати Вазорати корҳои дохилии Ҷумҳурии Тоҷикистон дар шаҳри Душанбе хабар медиҳад.

Аз ронандагон хоҳиш карда мешавад, ки дар ин муддат аз роҳҳои ҳамшафат истифода бурда, аз таваққуфи бемаврид дар роҳи хиёбони марказӣ худдорӣ намоянд.

Ҳарчанд мақомот сабаби роҳбандиҳоро шарҳ надоданд, вале ҳадс зада мешавад, ки ин амр ба манзури бозгашти Эмомалӣ Раҳмон аз сафари корӣ аз Туркманистон рабт дорад.

📱 Обуна шавед — Ҳамдастӣ
📱Ба Тик Токи мо обуна шавед