Дар роҳи автомобилгарди Душанбе–Чаноқ, дар ҳудуди ноҳияи Айнӣ, хатҳои уфуқии роҳ дар масофаи 6 кv аз нав кашида шуданд

Тибқи иттилои ширкати «IRS», чанде пеш ронандагон тавассути шабакаҳои иҷтимоӣ пешниҳод карда буданд, ки аломатгузории уфуқӣ дар баъзе қитъаҳои ин шоҳроҳ нав карда шавад.

Дар пайи ин муроҷиат роҳбарияти ширкат чораандешӣ намуда, рӯзи 9 октябр дар қитъаи аз километри 159 то 165-уми роҳ корҳои навсозии хатҳои уфуқиро анҷом дод.

Ширкати «IRS» таъкид кардааст, ки эродҳо, дархостҳо ва пешниҳодҳои ронандагону мусофирон минбаъд низ баррасӣ шуда, барои ҳалли масъалаҳои матраҳгардида чораҳои зарурӣ андешида мешаванд.

📱 Обуна шавед — Ҳамдастӣ
📱Ба Тик Токи мо обуна шавед