Дар Душанбе мусобиқаи байналмилалии нардбозӣ идома дорад

Дар Маркази фарҳангу фароғатии «Кохи Наврӯз»-и Душанбе бори аввал мусобиқаи байналмилалии тахтаи нард — "Asian Grand Prix 2026" идома дорад, ки беш аз 300 варзишгар аз 30 кишвари ҷаҳонро ба ҳам овардааст. Иштирокдорон тайи чанд рӯз дар 12 навъи бозӣ барои фонди ҷоизавии 500 ҳазор доллари ИМА рақобат мекунанд.

Душанбе пас аз Тошканд ва Тбилиси сеюмин шаҳри мизбони силсиламусобиқаҳои Гран-при Федератсияи байналмилалии тахтаи нард (IBF) дар соли ҷорӣ мебошад. Ба гуфтаи президенти IBF Умар Кремлёв, ҳадафи мусобиқа танҳо рақобат барои пирӯзӣ ва ҷоиза нест, балки фароҳам овардани фазои дӯстона барои иштирокчиён низ мебошад.

Мусобиқаи байналмилалӣ дар пойтахти Тоҷикистон то 11 октябр идома мекунад.

📱 Обуна шавед — Ҳамдастӣ
📱Ба Тик Токи мо обуна шавед